ល្ងាចនេះ​រដ្ឋ​បាល​រាជ​ធានីភ្នំពេញ​​ផ្សាយ​​បន្តផ្ទាល់​បាល់​ទាត់​​កម្ពុជាប៉ះវៀតណាមនៅសួន​ច្បារមុខវត្ដ​បទុម

702

ភ្នំពេញៈ រដ្ឋ​បាល​រាជ​ធានីភ្នំពេញ នៅ​ព្រឹក​ថ្ងៃសៅរ៍នេះ បាន​ប្រកាស​ឲ្យ​សាធារណៈជន​បាន​ដឹង​ថា នៅ​ពេល​ល្ងាច​នេះ នឹង​មាន​ការ​ចាក់​បញ្ចាំង​បន្ត​ផ្ទាល់​ការ​ប្រកួត​បាល់​ទាត់ ស៊ីហ្គេម វគ្គ​ពាក់កណ្ដាល​ផ្ដាច់​ព្រ័ត្រ​រវាង​កម្ពុជា និង​វៀត​ណាម នៅ​សួន​ច្បារ​មុខ​វត្ដ​បទុម​វតីចាប់​ពីម៉ោង​៧យប់​តទៅ។

រដ្ឋ​បាល​រាជ​ធានី​បាន​បញ្ជាក់ថា​៖«នាល្ងាចថ្ងៃសៅរ៍ ទី៧ ខែធ្នូ ឆ្នាំ២០១៩នេះ រដ្ឋបាលរាជធានីភ្នំពេញនឹងធ្វើការចាក់បញ្ចាំងបន្តផ្ទាល់ ការប្រកួតបាល់ទាត់ Sea Game វគ្គពាក់កណ្ដាលផ្ដាច់ព្រ័ត្ររវាងកម្ពុជា និងវៀតណាម នៅសួនមុខវត្តវត្តបទុមវតី»។

រដ្ឋ​បាល​រាជ​ធានី​បាន​ អញ្ជើញបងប្អូនប្រជា​ពលរដ្ឋ​ដែល​ស្នេហា​វិស័យ​កីឡា ពិសេស​កីឡា​បាល់​ទាត់​ មក​ចូលរួមទស្សនា និងគាំទ្រទាំងអស់គ្នា នៅសួនច្បារមុខវត្តបទុមវតី ចាប់ពីម៉ោង ៧:០០យប់តទៅ។

គួរ​រំឭកថា ការប្រកួតវគ្គពាក់កណ្តាលផ្តាច់ព្រ័ត្រនៃការប្រកួតកីឡាស៊ីហ្គេមលើកទី៣០ ក្រុម​កីឡាករ​កម្ពុជាអាយុក្រោម២២ឆ្នាំ ប៉ះជាមួយ​វៀតណាមអាយុក្រោម២២ឆ្នាំ នៅកីឡដ្ឋាន Rizal Memorial ប្រទេសហ្វីលីពីននា​ថ្ងៃទី៧ ធ្នូ ២០១៩ | ម៉ោង ៧:០០ យប់ | កីឡដ្ឋាន Rizal Memorial ដោយ​មាន​ការ​ផ្សាយផ្ទាល់ ហង្សមាស HDTV៕

Loading...