រដូវ​កាល​ឆ្នាំ២០១៩នេះ លី​គ​កំពូល​កម្ពុជា​កើន​ក្រុម​ចូល​លេង​ដល់​ទៅ១៤ក្រុម

515

រដូវ​កាល​ថ្មី​ឆ្នាំ២០១៩ ដែល​នឹង​បើក​នៅ​ខែមីនា​ខាងមុខនេះ លី​គ​កំពូល​កម្ពុជា Metfone League នឹងមាន​ក្លិប​ចំនួន១៤ចូលរួម​ដែល​ច្រើនជាង​កាលពី​រដូវ​កាល​ឆ្នាំ២០១៨កន្លងទៅ។ នេះ​បើតាម​ការបញ្ជាក់​ឱ្យ​ដឹង​របស់​សហព័ន្ធ​បាល់ទាត់​កម្ពុជា​កាលពី​ថ្ងៃ​ទ០៦ ខែមករា។

 

លោក កែវ សារ៉េត អគ្គលេខាធិការ​សហព័ន្ធ​កីឡាបាល់ទាត់​កម្ពុជា​បាន​អះអាងថា ក្រុម​ចំនួន ៣ នឹង​ឡើង​មកលេង​នៅ​លី​គ​កំពូល​នៅ​ឆ្នាំ ២០១៩ ។ ដូច្នេះហើយ​លី​គ​រដូវ​កាល​ថ្មី​នឹង​កើន​ដល់​ចំនួន ១៤ ក្រុម បូក​ជាមួយ​ក្រុម​ដែលមាន​ស្រាប់​ចំនួន ១១ ក្រុម។  ក្រុម​ចំនួន ៣ ដែល​ត្រូវ​ដំ​ឡើងមក​រដូវ​កាល​ថ្មី រួមមាន ក្លឹប​បាល់ទាត់​ខេត្តកំពង់ចាម U18 សាលា​បាល់ទាត់​ជាតិ​បាទី និង គីរីវង់​សុខ​សែន​ជ័យ។ នេះ​បើតាម​ការចុះផ្សាយ​នៅលើ​វេ​ប​សាយ​គណៈកម្មការ​ប្រកួត​បាល់ទាត់​ជាតិ​កម្ពុជា។

បើតាម​វេ​ប​សាយ​ដដែល ការដំឡើង​ក្រុម​ទាំង៣នេះ ធ្វើឡើង​បន្ទាប់ពី​កិច្ចប្រជុំ​របស់​គណៈកម្មាធិកា​រ​ប្រតិបត្តិ​នៃ​សហព័ន្ធ​កីឡាបាល់ទាត់​កម្ពុជា​នាពេលថ្មីៗនេះ។ គណៈកម្មាធិការ​ប្រតិបត្តិ​បានសម្រេច​ដំឡើង​ក្រុម​គីរីវង់​សុខ​សែន​ជ័យ និង ក្លឹប​បាល់ទាត់​ខេត្តកំពង់ចាម ដោយសារ​មិនមាន​ការប្រកួត​លី​គ២នា​ឆ្នាំ​កន្លងទៅ។ ប៉ុន្តែ គណៈកម្មាធិការ​ប្រតិបត្តិ​បាន​ពិនិត្យឃើញថា ទោះបី​ក្រុម​ទាំងពីរ​លេង​នៅ​លី​គ២ក៏មាន​លទ្ធភាព​អាច​ឡើងមក​លី​គ​កំពូល​បានដែរ។

ដោយឡែក​ចំពោះ​ការដាក់បញ្ចូល​ក្រុម U18 សាលា​បាល់ទាត់​ជាតិ គឺ ដើម្បីឱ្យ​ពួកគេ​សុំា​ទៅនឹង​ការប្រកួតធំៗនិង បង្កើន​សមត្ថភាព​ឱ្យបាន​ខ្ពស់​ក្នុង​បំណង​ឱ្យ​ពួកគេ​ត្រៀមខ្លួន​រួចរាល់​សម្រាប់​ស៊ី​ហ្គេម​ឆ្នាំ ២០២៣ ពេល​កម្ពុជា​ធ្វើជា​ម្ចាស់ផ្ទះ។

សូមបញ្ជាក់ថា កាល​រដូវ​កាល​ឆ្នាំ២០១៨កន្លងទៅ ក្រុម​ដែល​ត្រូវ​កាត់​ចេញពី​លី​គ​កំពូល​កម្ពុ​ជាមាន​ពីរ គឺ​ក្រុម វេ​ស្ទើ​ន​ភ្នំពេញ និង ក្រុម​តំណាង​ឲ្យ​សាកលវិទ្យាល័យ​មួយ​នេះ ។ ចំណែក​ក្រុម​ណាហ្គា​វើ​លដ៍ ជា​ម្ចាស់​ជើងឯក​លី​គ​កំពូល​កម្ពុជា​ដែល​នឹងត្រូវ​ទៅលេង​ពាន AFC Cup តំណាងឱ្យ​កម្ពុជា៕

Loading...