ប្រកួតជម្រើសជើងឯកជាតិប្រដាល់គុនខ្មែរនឹង​ចាប់ផ្តើមនៅថ្ងៃទី​១៦ដល់ទី២០វិច្ឆិកានេះ​

130

ភ្នំពេញៈ ប្រកួតប្រដាល់គុនខ្មែរជម្រើសជើងឯកជាតិប្រចាំឆ្នាំ២០២០ ដែលជាកម្មវិធីរបស់ក្រសួងអប់រំយុវជន និងកីឡា និង សហ​ព័ន្ធ​​កីឡា​ប្រដាល់​គុន​ខ្មែរ​នឹង​ចាប់​ផ្តើម​នៅ​ថ្ងៃ​ទី​១៦​ដល់​២០​ខែវិច្ឆិកា​ឆ្នាំ​២០២០​នៅ​ទីតាំងមជ្ឈ​មណ្ឌល​កីឡា​កង​យោធ​ពល​ខេម​រភូ​មិន្ទ​(ស្តាដ​ចាស់)​។​

ឆ្នាំនេះខុសប្លែកពីឆ្នាំមុនៗដែលឆ្នាំខ្លះសមត្ថភាពអត្តពលិក​ឈ្នះ​ជើង​ឯក​គ្មាន​គុណ​ភាព​។​ បន្ថែម​ពីលើនេះ​ចំនួន​កីលាករ​ឆ្នាំ​ខ្លះ​មាន​រាប់រយនាក់ដែលកើនចំណាយលុយរដ្ឋច្រើនធ្លាក់បានចែកគ្នាចាយដូចជាមហាយ៉ាប់បំផុត។  ការ​ប្រកួ​ត​ឆ្នាំ២​០២០​នេះ​ទំនង​ចាប់មផ្តើម ល្អនូវ​ចំណុច​ជា​ច្រើន​ដូច​ជា​កីឡាករ​ឆ្មើមៗ​ដែល​ចូល​ប្រកួត​ត្រូវ​បាន​គិត​គូរក​លុយ​ជួយ​បន្ថែម​ពីវិ​ស័យ​ឯក​ជន ពិសេសកា​រប្រ​កួត​ថ្នាក់​ជាតិ​ឆ្នាំ​២០២០​នេះ​បំបែក​ចេញ​ពីប្រដាល់​សកល​តែម្តង​ខណៈ​ដែល​ប្រតិភូ​ចូល​រួមមា​​ន ១​៣​ខេត្ត​និង​រាជធានីព្រមទាំងក្រសួងចំនួន៣សរុប១៩ប្រតិភូ។

លោក និន ភារម្យ អនុប្រធាន សហព័ន្ធប្រដាល់គុនខ្មែរបានប្រាប់ ថា​គិត​មក​ដល់​ពេល​នេះ​ចំនួន​អត្តពលិកសរុបចំនួន ៩៩​នាក់​មក​ពីតំណាងខេត្តរាជធានីចំនួន១៣ មានរាជធានីភ្នំពេញ ខេត្តកណ្តាល បន្ទាយមានជ័យឧត្តរមានជ័យ បាត់ដំបង សៀមរាប រតនគីរី មណ្ឌលគិរី ព្រៃវែង ត្បួងឃ្មុំ កោះកុង កំពង់ស្ពឺ និងក្រសួងចំនួន៣ មានក្រសួងការពារជាតិ ក្រសួងមហាផ្ទៃ និងក្រសួងសេដ្ឋកិច្ចហេរញ្ញវត្ថុ ដែល​សរុប​មាន​មាន​ចំនួន​១៩​ប្រតិភូ។​ ហើយ​តំណាងប្រតិភូ​មាន​ចំនួន​ ៣៨​នាក់​ខណៈ។

លោកនិនភារម្យបន្តថាការប្រជុំបច្ចេកទេសឬបំពេញសំណុំលិខិតផ្សេងៗនឹងធ្វើឡើងឲ្យរួចរាល់មុនថ្ងៃប្រកួតហើយការប្រកួតនឹងចាប់ផ្តើមពីថ្ងៃទី១៦ដល់២០ខែវិច្ឆិកាឆ្នាំ២០២០នៅស្តាដចាស់តែម្តងដែលមានផ្សាយផ្ទាល់តាមប៉ុស្តិ៍លេខ៥។

លោក តែម ម៉ឺន ប្រធានសហព័ន្ធប្រធានសហព័ន្ធកីឡាប្រដាល់គុនខ្មែរផ្តល់ថា ឆ្នាំ២០២០នេះ ​ការ​ប្រកួត​ជើង​ឯក​ជាតិ​មាន​កំណែរ​ទម្រង់កាន់តែល្អជាងមុននិងជាងបណ្តាលឆ្នាំមុនៗ ពិសេសកីឡាករឆ្នើមៗ​មួយ​ចំនួន​ព្រម​ចូល​ប្រកួ​ត​ដោយ​សារ​តែ​តម្លៃ​​ខ្លួ​នទ​ទួលបានពីក្រសួងនិងយើងបន្ថែមនូវថវិកាពីវិស័យឯកជន ដើម្បីលើកទឹកចិត្តដល់កីឡាករ។

លោកតែមម៉ឺនបន្ថែមថា ឆ្នាំ២០២០នេះយើងទទួលបានឲ្យប្រកួតចំនួន៩ប្រភេទទម្ងន់គឺមានទម្ងន់ ៤៥,៤៨,៥១,៥៤,៥៧,​៦០,​៦៣,៥,៦៧,៧១ គីឡូ​ក្រាម។​ ជាមួយ​គ្នា​នេះស​ហព័ន្ធ​បាន​ស្វះស្វែ​ងរ​កដៃ​គូពី​វិស័​យ​ឯក​ជន​ខ្លះ​​ដើម្បី​រកថវិកា​ទប់​ទល់​ទល់​ការ​ចំណាយ​និង​ដើម្បី​ផ្តល់​ប្រាក់រង្វាន់ជូនកីឡាករ​ដែល​ឈ្នះ​បាន​ជើងឯកទៅតាមប្រភេទទម្ងន់និមួយៗ។​

លោក​បញ្ជាក់ថា៖«ខ្ញុំគិត​ជាបឋម​ជាមួយក្រុ​មកា​រងារ​អ្នក​ឈ្នះជើងឯកប្រចាំឆ្នាំតាមប្រភេទទម្ងន់។​យើង​បន្ថែម​ឲ្យ​បាន​យ៉ាង​តិច​ចំនួន​៣០០​ដុល្លារ​បន្ថែម​ពីលើប្រាក់ដែលបាន​ពីក្រសួង​អប់រំ​យុវ​ជន​និង​កីឡា​ដែល​អនុវត្ត​តាម​ឆ្នាំ​ចាស់»។​

យ៉ាងនេះ ក្តីបន្ទាប់ពីមានរឿងមិនប្រក្រតីចម្រូងចម្រាសជាហែរហូកន្លងមកកាលពីឆ្នាំ២០១៨ សហ​ព័ន្ធ​ត្រូវ​បាន​គេ​មើល​ឃើញ​ថា​​បាន​ពង្រឹង​មន្ត្រី​បច្ចេក​ទេស​ដោយ​អនុ​វត្ត​ការ​កាត់​ក្តី​មាន​ភាព​សុក្រិត​ដែល​ទទួល​យក​បាន​ ​ខណៈ​ដែល​មន្ត្រី​ខិល​ខូច​មួយ​ចំនួន​ត្រូវបានកែទម្រង់បានល្អ។

គួរបញ្ចាក់ថា សហព័ន្ធកីឡាប្រដាលគុនខ្មែរទទួលបានប្រាក់គាំទ្រពីក្រសួងអប់រំយុវជននិងកីឡា​ចំនួន ១០០ លាន​រៀល​ក្នុង​១ឆ្នាំ​ដែល​ត្រូវចំណាយទៅលើក៣ចំណុចមានរដ្ឋបាល ចំណាយ​ទៅ​លើ​វគ្គ​បណ្តុះ​បណ្តាល​និង​ការ​ប្រកួត​ជើង​ឯក​ជាតិ​តែម្ត​ង​ក្នុង​១ឆ្នាំ​ដោយ​មិន​គិត​ពីការ​ប្រកួត​តាម​សង្វៀន​ប្រចាំ​សប្តាហ៍​ដែល​ទទួលបា​ន​ពីវិស័យ​ឯក​ជន​សុទ្ធ​មិន​ពាក់​ព័ន្ធ​ថវិការ​ដ្ឋ​នោះ​ឡើយ​៕

Loading...