សម្តេច​ ទៀ​ បាញ់​ ប្រកាស​ឲ្យ​អត្តពលិក​ និង​មន្ត្រី​ពាក់​ព័ន្ធ​កីឡា​សម្រុក​ចាក់​វ៉ាក់​សាំង​កូ​វីដ​-១៩​

100

សម្តេច​ពិជ័យ​សេនា​​ ​ទៀ​ បាញ់ ​ឧប​នាយក​រដ្ឋមន្ត្រី​រដ្ឋមន្ត្រី​ក្រសួង​ការពារ​ជាតិ ​និង​ជា​ប្រធាន​គណៈ​កម្មាធិការ​ជាតិ​រៀប​ចំ​ការ​ប្រកួត​កីឡា​អាស៊ី​អាគ្នេយ៍​លើក​ទី​៣២​ ឆ្នាំ​២០២៣ ​(CAMSOC)​ បាន​ប្រ​កាស​ដល់​អត្តពលិក​,គ្រូ​បង្វឹក​,ក្រុម​ជម្រើស​ជាតិ​មន្ត្រី​ដឹក​នាំ​កីឡា​,​ដើម្បី​ចាក់​វ៉ាក់​សាំង​នៅ​មន្ទីរ​ពេទ្យ​ព្រះ​កេតុ​មាលា​កាល​ពី​ព្រឹក​​នា​ថ្ងៃ​អង្គារ៍​ទី​២​ខែ​មីនា​ឆ្នាំ​២០២១​ដើម្បី​យុទ្ធនា​ការចាក់​វ៉ាក់សាំង​បង្ការ​ជំងឺ​កូ​វីដ​-១៩​ឲ្យ​បាន​គ្រប់គ្នា​ក្នុង​យុទ្ធ​នា​ការ​៣​ថ្ងៃ​។​ជា​មួយ​គ្នា​នេះ​លោក​វ៉ាត់​ចំរើន​ក្នុង​នាម​អគ្គ​លេខា​ធិការ​ CAMSOC​ ឲ្យ​ដឹង​ថា​៖​​ ថ្ងៃ​ដំបូង​នេះ​ថ្នាក់ដឹក​នាំ​,មន្ត្រី​កីឡា​,គ្រូបង្វឹក​កីឡាករ កីឡាការិនី​ជម្រើស​ជាតិ​បាន​​ទៅ​ចាក់​ជា​បន្ត​បន្ទាប់​ហើយ​ក្នុង​គម្រោង​ចំនួន​១០៥១​នាក់​នេះ​អាច​នឹង​លឿន​ជា​ការ​គ្រោង​ទុក​។​ ក្នុង​នោះ​ដែរ​ប្រ​សិន​បើ​ការ​ទៅ​ចាក់​វ៉ាក់​សាំង​ជាក់​ស្តែង​បាន​លឿន​អាច​នឹង​មិន​ដល់​រយៈ​ពេល​៣​ថ្ងៃ​ឡើយ​គឺ​ពីរ​ថ្ងៃ​នឹង​ចប់​​។​

លោក ​វ៉ាត់​ ចំរើន​ បាន​ឲ្យ​ដឹង​ថា​៖​ នេះ​ជា​ការ​កិច្ចការ​ចាំបាច់​បំផុត​ដែល​ការ​ចាក់​វ៉ាក់​សាំង​បង្ការ​ជំងឺ​កូ​វីដ​-១៩​ នេះ​ដើម្បី​ប្រយុទ្ធ​ប្រឆាំង​នឹង​ជំងឺ​ដ៏​កាច​សាហាវ​កូ​វីដ​-១៩​នេះ​ពី​ព្រោះ​ក្រុម​ជម្រើស​ជាតិ​មន្ត្រី​កីឡា​, ថ្នាក់​ដឹក​នាំ​ និង​គ្រូ​បង្វឹក​មួយ​ចំនួន​មាន​ការ​ពាក់​ព័ន្ធ​ និង​មាន​ទំនាក់​ទំនង​ច្រើន​ជា​មួយ​មនុស្ស​ជា​ច្រើន​ផ្សេងៗ​ទៀត​ពិសេស​កិច្ច​ការ​ប្រជុំ​ឬ​ប្រ​កួត​ឆ្លង​ប្រទេស​ជា​ដើម​។​ លោក ​វ៉ាត់​ ចំ​រើន ​បន្ថែម​ថា​៖​ ការ​ចាក់​វ៉ាក់សាំង​នេះ​បាន​ធ្វើ​ជា​បន្ត​បន្ទាប់​ជូន​ដល់​អ្នក​ពាក់​ព័ន្ធ​ទៅ​នឹង​សកម្ម​ភាព​កីឡា​ដែល​មាន​អាយុ​ចាប់​ពី​ ១៨​ឆ្នាំ​ឡើង​ទៅ​ប៉ុន្តែ​តាម​ជាក់​ស្តែង​យើង​នៅ​បន្ថែម​ការ​ចាក់​ជា​បន្ត​បន្ទាប់​ទៀត​ដល់​កីឡាករ​​កីឡា​ការិនី​ជម្រើស​ជាតិ​ខ្លះ​មិន​ទាន់​គ្រប់​អាយុ​ ១៨​ព្រម​ទាំង​ក្រុម​ការ​ងារ​​មួយ​ចំនួន​ទៀត​ដូច​ជា​ក្រុម​សិល្បៈ​ដែល​មាន​ចំនួន​ប្រហែល ​២០០​នាក់​ទៀត​ដែល​​កំពុង​ត្រៀម​ទៅ​ទទួល​ទង់​ស៊ី​ហ្គេម​នៅ​ចុង​ឆ្នាំ​២០២១​នេះ​គឺ​បន្ទាប់​ពី​ស៊ី​ហ្គេម​លើក​ទី​៣១​ នៅ​ប្រ​ទេស​វៀត​ណាម​បាន​បញ្ចប់​ហើយ​ធ្វើ​ពិធី​ប្រ​គល់​ និង​ទទួល​ទង់​ពី​ស៊ី​ហ្គេម​នៅ​ប្រ​ទេស​វៀត​ណាម​ដើម្បី​យក​មក​ព្រះ​រាជា​ណាចក្រ​កម្ពុជា​សម្រាប់​ស៊ី​ហ្គេម​លើលក​ទី​៣២​ដែល​កម្ពុជា​ធ្វើ​ម្ចាស់​ផ្ទះ​​។​​ លោក​បញ្ជាក់​ថា​៖​ ការ​ចាក់​វ៉ាក់​សាំង​ដល់​ថ្នាក់​ដឹកនាំ​,​ មន្ត្រី​កីឡា​, គ្រូបង្វឹក​, កីឡាករ​កីឡាការិនី​, ជម្រើស​ជាតិ​ត្រៀម​ប្រកួត​ និង​ចេញ​ទៅ​ហ្វឹកហាត់​នៅក្រៅ​ប្រទេស​ឆ្នាំ ​២០២១​ មាន​ចំនួន​ ១០៥១​នាក់​។​ លោក​ថា​តាម​ប្រសាស​ន៍​របស់​សម្តេច​ ទៀ បាញ់​ ឱ្យ​សិក្សា​បន្ថែម​រក​ពេល​វេលា​បន្ត​យុទ្ធនា​ការ​យុទ្ធនា​ការចាក់​វ៉ាក់សាំង​ដល់​អ្នក​នៅ​សល់​ឲ្យ​បាន​គ្រប់​គ្នា​តាម​លទ្ធភាព​ធ្វើ​ទៅ​បាន​តាម​ការ​អនុញ្ញាត​ដ៏​ខ្ពង់ខ្ពស់​ពី​ប្រមុខ​រាជរដ្ឋាភិបាល​សម្តេច​តេ​ជោ​ហ៊ុន​សែន​ដើម្បី​សុខមាលភាព​សង្គមជាតិ​យើង​ផង​ក៏​ដូចជា​បង្កើនបាន​សុវត្ថិភាព​ជូន​ក្រុម​ជម្រើសជាតិ​កម្ពុជា​។​​

តាម​ការ​នែ​នាំ​ពី​លោក​បណ្ឌិត​ថោង​ខុន​អនុ​ប្រធាន​អចិន្ត្រយ៍​ CAMSOC ​បាន​ជំរុញ​ឲ្យ​ក្រុម​ជម្រើសជាតិ​កម្ពុជា​ចាក់​ឲ្យ​បាន​គ្រប់ៗ​គ្នា​ដើម្បី​ត្រៀម​ចូលរួម​ប្រកួត​និង​ការ​ហ្វឹកហាត់​នៅក្រៅ​ប្រទេស​។​ជាមួយគ្នា​នោះ​សម្តេច​ប្រធាន​CAMSOC​ក៏បាន​ណែនាំ​ឲ្យ​ខិតខំ​ចាក់​វ៉ាក់សាំង​នេះ​ឲ្យ​បាន​គ្រប់ៗ​គ្នា​ជាពិសេស​គឺ​ក្រុម​កីឡាករ​កីឡាការិនី​ជម្រើសជាតិ​ដែល​ស្ថិត​នៅក្រោម​អាយុ​១៧​​និង​១៨​ឆ្នាំ​ត្រូវ​ពិគ្រោះ​ជា​មួយ​ក្រុម​គ្រូពេទ្យ​ជំនាញ​របស់​សាធារណរដ្ឋ​ប្រជាមានិត​ចិន​ដែល​ប្រចាំ​ការ​នៅ​ទីនេះ​​៕

Loading...