កីឡាផ្សេងៗ

សម្តេច​ ទៀ​ បាញ់​ ប្រកាស​ឲ្យ​អត្តពលិក​ និង​មន្ត្រី​ពាក់​ព័ន្ធ​កីឡា​សម្រុក​ចាក់​វ៉ាក់​សាំង​កូ​វីដ​-១៩​

សម្តេច​ពិជ័យ​សេនា​​ ​ទៀ​ បាញ់ ​ឧប​នាយក​រដ្ឋមន្ត្រី​រដ្ឋមន្ត្រី​ក្រសួង​ការពារ​ជាតិ ​និង​ជា​ប្រធាន​គណៈ​កម្មាធិការ​ជាតិ​រៀប​ចំ​ការ​ប្រកួត​កីឡា​អាស៊ី​អាគ្នេយ៍​លើក​ទី​៣២​ ឆ្នាំ​២០២៣ ​(CAMSOC)​ បាន​ប្រ​កាស​ដល់​អត្តពលិក​,គ្រូ​បង្វឹក​,ក្រុម​ជម្រើស​ជាតិ​មន្ត្រី​ដឹក​នាំ​កីឡា​,​ដើម្បី​ចាក់​វ៉ាក់​សាំង​នៅ​មន្ទីរ​ពេទ្យ​ព្រះ​កេតុ​មាលា​កាល​ពី​ព្រឹក​​នា​ថ្ងៃ​អង្គារ៍​ទី​២​ខែ​មីនា​ឆ្នាំ​២០២១​ដើម្បី​យុទ្ធនា​ការចាក់​វ៉ាក់សាំង​បង្ការ​ជំងឺ​កូ​វីដ​-១៩​ឲ្យ​បាន​គ្រប់គ្នា​ក្នុង​យុទ្ធ​នា​ការ​៣​ថ្ងៃ​។​ជា​មួយ​គ្នា​នេះ​លោក​វ៉ាត់​ចំរើន​ក្នុង​នាម​អគ្គ​លេខា​ធិការ​ CAMSOC​ ឲ្យ​ដឹង​ថា​៖​​ ថ្ងៃ​ដំបូង​នេះ​ថ្នាក់ដឹក​នាំ​,មន្ត្រី​កីឡា​,គ្រូបង្វឹក​កីឡាករ កីឡាការិនី​ជម្រើស​ជាតិ​បាន​​ទៅ​ចាក់​ជា​បន្ត​បន្ទាប់​ហើយ​ក្នុង​គម្រោង​ចំនួន​១០៥១​នាក់​នេះ​អាច​នឹង​លឿន​ជា​ការ​គ្រោង​ទុក​។​ ក្នុង​នោះ​ដែរ​ប្រ​សិន​បើ​ការ​ទៅ​ចាក់​វ៉ាក់​សាំង​ជាក់​ស្តែង​បាន​លឿន​អាច​នឹង​មិន​ដល់​រយៈ​ពេល​៣​ថ្ងៃ​ឡើយ​គឺ​ពីរ​ថ្ងៃ​នឹង​ចប់​​។​ លោក ​វ៉ាត់​ ចំរើន​ បាន​ឲ្យ​ដឹង​ថា​៖​ នេះ​ជា​ការ​កិច្ចការ​ចាំបាច់​បំផុត​ដែល​ការ​ចាក់​វ៉ាក់​សាំង​បង្ការ​ជំងឺ​កូ​វីដ​-១៩​ នេះ​ដើម្បី​ប្រយុទ្ធ​ប្រឆាំង​នឹង​ជំងឺ​ដ៏​កាច​សាហាវ​កូ​វីដ​-១៩​នេះ​ពី​ព្រោះ​ក្រុម​ជម្រើស​ជាតិ​មន្ត្រី​កីឡា​, ថ្នាក់​ដឹក​នាំ​ និង​គ្រូ​បង្វឹក​មួយ​ចំនួន​មាន​ការ​ពាក់​ព័ន្ធ​ និង​មាន​ទំនាក់​ទំនង​ច្រើន​ជា​មួយ​មនុស្ស​ជា​ច្រើន​ផ្សេងៗ​ទៀត​ពិសេស​កិច្ច​ការ​ប្រជុំ​ឬ​ប្រ​កួត​ឆ្លង​ប្រទេស​ជា​ដើម​។​ លោក ​វ៉ាត់​ ចំ​រើន...

លោក ថាង ហ្គោដុន បន្តដឹកនាំជាប្រធានកីឡាទូកក្តោងកម្ពុជាអណត្តិទី២ដល់ឆ្នាំ២០២៣

សហព័ន្ធកីឡាទូកក្តោងកម្ពុជាបានរៀបចំមហាសន្និបាតបញ្ចប់អាណត្តិទី១ ឆ្នាំ២០១៥ ដល់ឆ្នាំ២០១៩ និងបន្តអាណត្តិថ្មីទី២ ឆ្នាំ២០១៩ ដល់ឆ្នាំ២០២៣ នៅទីស្នាក់ការគណគម្មាធិការជាតិអូឡាំពិកកម្ពុជានាព្រឹកថ្ងៃចន្ទទី២២ខែកុម្ភៈ ឆ្នាំ២០២១ (NOCC)។វត្តមានសំខាន់ៗមកពីតំនាងក្រសួងអប់រំយុវជននិងកីឡាតំណាងគម្មាធិការជាតិអូឡាំពិកកម្ពុជាសមាជិកសហព័ន្ធនិងកីឡាករកីឡារិនីយ៉ាងច្រើនផងដែរ។ លោក សោម សុទ្ធរិទ្ធិពង្ស អគ្គលេខាធិការសហព័ន្ធបានអានរបាយការណ៍និងបង្ហាញសមិទ្ធផលអាណត្តិចាស់ ព្រមទាំងប្រកាសសមាសភាពគណៈកម្មាធិការប្រតិបត្តិអាណត្តិថ្មីចំនួន៩រូបក្នុងនោះលោកថាង ហ្គោដុន ដែលជាប្រធានចាស់ទទួលបានការគាំទ្រដឹកនាំជាប្រធានសហព័ន្ធអាណត្តិថ្មីនេះបន្តទៀត។លោកថាង ហ្គោដុនដែលជាអនុប្រធានគណម្មាធិការជាតិអូឡាំពិកកម្ពុជាផងនោះមិនបានមានវត្តមានដោយបញ្ហាកូវីដ១៩។ យ៉ាងណាក៍មហាសន្និបាតបានគាំទ្រលោកក្នុងសម្លេង១០០ភាគរយក្នុងនោះអង្គមហាសន្និបាតសហព័ន្ធកីឡាទូកក្តោងកម្ពុជាបានអនុម័តផ្តល់សេចក្តីទុកចិត្តដល់សមាសភាពគណៈកម្មាធិការប្រតិបត្តិអាណត្តិថ្មីចំនួនសរុប៨រូបមាន៖លោក ថោងរដ្ឋសក្តិ អនុប្រធានទី១, លោកវ៉ាត់ ចំរើនអនុប្រធានទី២,លោកសោមសុទ្ធរិទ្ធិពង្សអគ្គលេខាធិការ និងកញ្ញាងួនតរុណីជាអគ្គហិរញ្ញឹក ខណៈ៤រូបទៀតជាសមាជិក។ លោក វ៉ាត់ ចំរើន...

កីឡាកងទ័ពទទួលបានសម្ភារៈកីឡាតម្លៃ២៥ម៉ឺនដុល្លារពីក្រុមហ៊ុន ORIENT NOBLE ដើម្បីផលិតកីឡាករឆ្នើមៗដណ្តើមមេដាយជូនជាតិ

ក្រុមហ៊ុន ORIENT NOBLE Group បានផ្តល់សម្ភារៈកីឡាដែលមានតម្លៃ ២៥០០០០ដុល្លារ ដល់ក្រុមប្រឹក្សាកីឡាកងយោធពលខេមរភូមិន្ទកាលពីប្រឹកថ្ងៃទី១៦ខែកុម្ភៈឆ្នាំ២០២១។ ជាមួយគ្នានេះតំណាងក្រុមហ៊ុនបានអះងាងថាសម្ភារៈសម្រាប់ហ្វឹកហាត់កីឡាជាច្រើនមុខពីក្រុមហ៊ុន ORIENT NOBLE Group នេះដើម្បីចូលរួមចំណែកលើកស្ទួយវិស័យកីឡាស្របបេលដែលមណ្ឌលកីឡាកងយោធពលខេមរភូមិន្ទនៃក្រុមប្រឹក្សាកីឡាកងយោធពលខេមរភូមិន្ទផលិតកីឡាករឆ្នើមបានល្អជាច្រើនប្រភេទដណ្តើមមេដាយជូនជាតិ។ លោកនាយឧត្តមសេនីយ៍ ឃឹម ប៊ុនសុង រដ្ឋលេខាធិការក្រសួងការពារជាតិ និងជាប្រធានក្រុមប្រឹក្សាកីឡាកងយោធពលខេមរភូមិន្ទបានអញ្ជើញចូលរួមក្នុងពិធីប្រគល់ និង ទទួលនោះដែលមានវត្តមានលោកតែម ម៉ឺនអនុប្រធានក្រុមប្រឹក្សាកីឡាកងយោធពលខេមរភូមិន្ទនិងជាប្រធានមជ្ឈមណ្ឌលកីឡាកងយោធពលខេមរភូមិន្ទនិងមន្ត្រីក្រោមចំណុះផងដែរ។ លោកតែមម៉ឺនដែលមានតួនាទីច្រើនក្នុងកីឡាបានថ្លែងថា៖មជ្ឈមណ្ឌលកីឡាកងយោធពលខេមរភូមិន្ទដែលជាស្ថាប័នគ្រប់គ្រងដឹកនាំនិងផលិតធនធានអត្តពលិកឆ្នើមចំណុះឲ្យក្រសួងការពារជាតិប៉ុន្តែគឺជាសេនាធិការមួយយ៉ាងជិតស្និទ្ធជាមួយ ក្រសួងអប់រំយុវជន និងកីឡា និងដៃគូជាមួយគណៈកម្មាធិការជាតិអូឡាំពិកកម្ពុជា ក៍ដូចគណៈកម្មាធិការរៀបចំការប្រកួតអាស៊ីអាគ្នេយ៍Cam sosoc...

ជិះកង់ ១៤ខែកុម្ភៈនៅក្រុងព្រះសីហនុបង្ហាញពីទេសចរណ៍ងើបឡើងវិញ

លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជាថ្លែងនៅព្រឹកថ្ងៃទី១៤ ខែកុម្ភៈឆ្នាំ២០២១ក្នុងព្រឹត្តិការណ៍កីឡាទេសចរណ៍ក្នុងកម្មវិធីកីឡាជិះកង់ដើម្បីក្តីស្រឡាញ់ថា៖ការជួបជុំនិងចូលរួមក្នុងសកម្មភាពកីឡានិងទេសចរណ៍ថ្ងៃនេះបង្ហាញឲ្យឃើញនូវទេសចរណ៍ងើបឡើងវិញបន្ទាប់ពីកូវីដ១៩ត្រូវបានរាជរដ្ឋាភិបាលកម្ពុជាគ្រប់គ្រងបានល្អប្រសើរជាងប្រទេសដទៃ។ ជាមួយគ្នានេះអ្នករៀបចំព្រឹត្តិការណ៍ផ្ទាល់គឺលោកវ៉ាត់ចំរើនឲ្យដឹងថាជាគោលការណ៍សកលសកម្មភាពកីឡានិងទេសចរណ៍មិនអាចកាត់ផ្តាច់ចេញពីគ្នាបានទេពោលគឺផ្តល់ឲ្យគ្នាទៅវិញទៅមកខណៈដែលទ្រឹស្តីរបស់លោកវ៉ាត់ចំរើនអគ្គលេខាធិការNOCCបានអះអាងថា៖សកម្មភាពរបស់កីឡាជាផលិតផលរបស់ទេសចរណ៍។ ព្រឹត្តិការណ៍កីឡាទេសចរណ៍នេះ រៀបចំឡើងក្រោមវត្តមានលោកបណ្ឌិតថោងខុនរដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC) ។លោក គួចចំរើនអភិបាលនៃគណៈអភិបាលខេត្តព្រះសីហនុ។លោកវ៉ាត់ចំរើនអ្នកគ្រប់គ្រងព្រឹត្តិការណ៍កីឡាផ្ទាល់ជាមួយសហព័ន្ធប្រណាំងកង់ប្រមទាំងរដ្ឋបាលសាលាខេត្តព្រះសីហនុ។ លោករដ្ឋមន្ដ្រីថោងខុនបានចាត់ទុកថានេះគឺជាការចាប់ផ្ដើមឡើងវិញនៃការរៀបចំព្រឹត្តិការណ៍កីឡាទេសចរណ៍ នៅក្រុងព្រះសីហនុដែលជាទីក្រុងដែលទើបកែឆ្នៃបានល្អផ្លូវល្អ ក្រោយការដាក់ទុនវិនិយោគយ៉ាងច្រើនដើម្បីផ្សព្វផ្សាយ បង្កើនភាពទាក់ ទាញភ្ញៀវទេសចរណ៍ឲ្យកាន់តែច្រើនមកកាន់តំបន់ឆ្នេរកម្ពុជា។លោកថោងខុនបានមានប្រសាសន៍ថា «ខ្ញុំជឿជាក់ថាព្រឹត្តិការណ៍ថ្ងៃនេះទោះបីនៅតូច តែវាពិតជាបានបង្ហាញនូវការចាប់ផ្តើមសាកល្បងជាបណ្តើរៗ នូវការរៀបចំព្រឹត្តិការណ៍កីឡាទេសចរណ៍តូចៗ ជាដមណាក់កាលឈានទៅធុំៗបាន។លោកបន្តថាទោះជាយ៉ាងណាយើងនៅតែ គោរពអនុវត្តន៍តាមគោលការណ៍ណែនាំរបស់ក្រសួងសុខាភិបាល ហើយដែលអាចជាការចាប់ផ្តើមនូវការបង្ហាញ និងជួយផ្សព្វផ្សាយពីគោលដៅទេសចរណ៍មួយដែលប្រកបដោយសុវត្ថិភាព និងការអភិវឌ្ឍន៍ដ៏ល្អជូនភ្ញៀវទេសចរជាតិ និងអន្តរជាតិធាអាចនិយាយថាទេសចរណ៍ងើបឡើងវិញ ។លោកបានកោតសរសើរចំពោះការអភិវឌ្ឍន៍ដ៏ឆាប់រហ័សរបស់ទីក្រុងព្រះសីហនុរបស់យើង...

ព្រឹត្ដិការណ៍«ប្រណាំងកង់ និងជិះកង់កម្សាន្តនៃក្ដីស្រលាញ់ ១៤ កុម្ភៈ»នឹងធ្វើនៅព្រះសីហនុ

មានស្ថាប័នធំចំនួន៣គណៈកម្មាធិការជាតិអូឡាំពិកកម្ពុជា,ក្រសួងទេសចរណ៍,រដ្ឋបាលសាលាខេត្តព្រះសីហនុព្រមទាំងសហព័ន្ធកីឡាទោចក្រយានបានបង្កើតព្រឹត្តិការណ៍កីឡាលក្ខណៈទេសចរណ៍មួយនាថ្ងៃអាទិត្យទី១៤កុម្ភៈឆ្នាំ២០២១ខាងមុខនេះ។ព្រឹត្តិការណ៍កីឡាបែបទេសចរណ៍កំសាន្តនេះគឺមានបំណងឬជាមធ្យោបាយមួយ ក្នុងការផ្លាស់ប្ដូរទស្សនៈយុវវ័យនៅក្នុងថ្ងៃពិធីបុណ្យនៃសេចក្តីស្រឡាញ់ដែលពួកគេធ្លាប់ជ្រួលជ្រើមខុសពីខ្លឹមសារដើមនាំឲ្យប៉ះពាល់ដល់ទំនៀមទម្លាប់ប្រពៃណីជាតិខ្មែរ។ យោងតាមសេចក្ដីជូនដំណឹងរបស់គណៈកម្មាធិការជាតិអូឡាំពិកកម្ពុជាគឺនៅថ្ងៃទី១៤កុម្ភៈខាងមុខនេះដែលគេចាត់ទុកថាជាថ្ងៃ បុណ្យនៃសេចក្ដីស្រឡាញ់នោះស្ថាប័នខាងលើនេះនឹងរៀបចំព្រឹត្តិការណ៍កីឡាជិះកង់នៅតំបន់ឆ្នេរសមុទ្រនៃខេត្តព្រះសីហនុដើម្បីបង្ហាញពីសក្ដានុពលនិងសម្រស់ធម្មជាតិនៃឆ្នេរសមុទ្រខ្មែរជំនួសព្រឹត្តិការណ័ដែលយល់ខុសរឿងបុណ្យក្តីស្រឡាញ់ដែលមានប្រភពមកពីក្រៅប្រទេស។កម្មវិធីនេះជាលើកទី១ផ្តល់ជូនទាំងអ្នកជិះកង់អាជីពទាំងមិនអាជីពអាចចូលរួមជិះបានដោយសេរីក្នុងលក្ខណៈកីឡាទេសចរណ៍និងកំសាន្តជាមួយធម្មជាតិ។ លោកនូចំរើនអគ្គលេខាសហព័ន្ធបានប្រាប់ថា៖ចំពោះវិញ្ញាសាប្រកួតមានចំនួន៣ដែលដាក់ឲ្យជិះនោះមានវិញ្ញាសាទី១អ្នកជិះកង់អាជីពគឺអាចចូលរួមប្រណាំងកង់ភ្នំចម្ងាយ៤០គីឡូម៉ែត្រដែលការប្រណាំងនោះចាប់ផ្ដើមចេញដំណើរពីឆ្នេរអូឈើទាលឆ្ពោះទៅឆ្នេររាមបន្តាប់មកត្រឡប់មកឆ្នេរអូឈើទាលវិញ។ទី២ប្រភេទFun Rideជិះកង់កំសាន្ដឆ្នេរសមុទ្រថ្មីចម្ងាយ២៥គីឡូម៉ែត្រដោយចេញដំណើរពីឆ្នេរអូឈើទាលឆ្ពោះទៅឆ្នេរអូរត្រេះហើយត្រឡប់មកឆ្នេរអូរឈើទាលវិញ ។ទី៣Famly CoupleRide គឺការជិះកង់ជាក្រុមគ្រួសារនិងគូស្នេហ៍ចម្ងាយ១៥គីឡូម៉ែត្រតាមផ្លូវក្នុងទីក្រុងថ្មីនិងឆ្នេរសមុទ្រមិនគិតពីថេរៈវេលា។លោកនូចំរើនបន្ថែមថា៖គិតមកដល់ពេលនេះមានអ្នកចុះឈ្មោះរួចហើយចំនួនជិត១០០នាក់ដែលមានស្ថាប័នទាំង៤ខាងលើទទួលចុះឈ្មោះហើយតាមការព្យាករអាចមានអ្នកចូលរួមខ្ទង់២០០នាក់នៅពេលបិទការចុះឈ្មោះត្រឹមថ្ងៃទី១២ខែកុម្ភៈឆ្នាំ២០២១ខាងមុខនេះ។ វ៉ាត់ចំរើនរដ្ឋលេខាធិការក្រសួងទេសចរណ៍និងជាអគ្គលេខាធិការគណៈកម្មាធិការជាតិអូឡាំពិកកម្ពុជាមានប្រសាសន៍ថា៖ នេះជាព្រឹត្តិការណ៍ថ្មីមួយបន្ថែមទៀតដែលមានស្ថាប័នក្រសួងទេសចរណ៍,NOCCសហព័ន្ធទោចក្រយាននិងរដ្ឋបាលព្រះសីហនុបានឯកភាពគ្នាបង្កើតឡើងក្នុងកោលបំណងកីឡានិងទ្េសចរណ៍ព្រមទាំងយកថ្ងៃ១៤កុម្ៈជាថ្ងៃក្តីក្រឡាញ់ឲ្យយុវជនបានក្រឡេកមកចាប់អារម្មណ៍កីឡានិងកំសាន្ត។កន្លងមកមានយុវវ័យមួយចំនួនបានយល់ច្រឡំថាថ្ងៃបុណ្យនៃសេចក្ដីស្រឡាញ់គឺជាពេលដែលត្រូវលះបង់នូវព្រហ្មចារីយ៍ដល់គូស្នេហ៍របស់ខ្លួនដែលផ្ទុយពីការពិកនិងប៉ះបាល់ប្រពៃណីចាតិខ្មេរ។ពេលនេះក្រសួងទេសចរណ៍និង គណៈកម្មាធិការជាតិអូឡាំពិកកម្ពុជាបង្កើតប្រឹងប្រែងធ្វើសកម្មភាពកីឡាថ្មីៗមួយដើម្បីផ្លាស់ប្ដូរផ្នត់គំនិតឥរិយាបទដែលពួកគេយល់ច្រឡំកន្លងមក។លោកវ៉ាត់ចំរើនបន្ថែមថា៖ព្រឹត្តិការណ៍នេះគណៈកម្មការរៀបចំគ្រោងរៀបចំកន្លែងបោះតង់តាមឆ្នេរសមុទ្រសម្រាប់អ្នកចូលរួមទាំងអស់ដោយសុវត្ថិភាពដោយផ្តោតទៅលើសណ្តាប់ធ្នាប់បរិស្ថានអនាម័យល្អស្របតាមការនែនាំរបស់ក្រសួងសុខាភិបាលឲ្យបានល្អ៕

កីឡាចំនួន៣ប្រភេទដែលជ្រើសឲ្យប្រកួតជើងឯកអាស៊ីអាគ្នេយ៍ឆ្នាំ២០២១

តាមសេចក្តីសម្រេចរបស់រាជរដ្ឋាភិបាលព្រះរាជាណាចក្រកម្ពុជាក្នុងផែនការប្រចាំឆ្នាំ២០២១ដើម្បីឆ្ពោះទៅរកសក្តានុពលនៃព្រឹត្តិការណ៍កីឡាអាស៊ីអគ្នេយ៍ដែលហៅកាត់ថាស៊ីហ្គេមដែលកម្ពុជាត្រៀមធ្វើម្ចាស់ផ្ទះឆ្នាំ២០២៣នោះរាជរដ្ឋាភិបាលបានសម្រេចដាក់ឲ្យក្រសួងអប់រំរៀបចំប្រកួតជើងឯកនូវកីឡាចំនួន៤ប្រភេទគឺមានកីឡាគុនខ្មែរ,គុនល្បុក្កតោ,បាល់បោះ និងវ៉ូវីណាមក្នុងឆ្នាំ២០២១នេះ។ ជាមួយនឹងប្រតិបត្តិការជាក់ស្តែងដោយមានការប្រជុំរៀបចំគម្រោងនោះលទ្ធផលជាក់លាក់គឺនៅសល់តែកីឡាចំនួន​៣ប្រភេទប៉ុណ្ណោះមានកីឡាគុនល្បុក្កតោ,​​ កីឡាប្រដាល់គុនខ្មែរ និងបាល់បោះ ខណៈដែលគម្រោងចាស់វ៉ូវីណាមត្រូវបានប្រទេសវៀតណាមសុំធ្វើម្ចាស់ផ្ទះមុនសិនហើយកម្ពុជាមិនធ្វើម្ចាស់ផ្ទះទេ។ នេះតាមការបញ្ជាក់របស់លោកហួតសេងទ្រីប្រធាននាយកដ្ឋានរៀបចំព្រឹត្តិការណ៍កីឡានៃអគ្គនាយកដ្ឋានកីឡា។តាមសង្កេតជាទូទៅពីលទ្ធភាពមានកីឡាចំនួនពីរប្រភេទគឺប្រដាល់គុនខ្មែរ និងល្បុក្កតោដែលជាកីឡាប្រពៃណីបុរាណខ្មែរផងមានប្រជាប្រិយ៍ខ្លាំងផងក្នុងការរៀបចំធ្វើម្ចាស់ផ្ទះដោយរម្ពឹងមានប្រៀបឈ្នះមេដាយច្រើនឬមានចំណាត់ថ្នាក់ល្អ។ចំណែកប្រភេទកីឡាបាល់បោះគឺទំនងជាលំបាកលំបិនក្នុងការប្រកួតប្រជែងរកចំណាត់ថ្នាក់ឲ្យបានល្អណាស់ពីព្រោះក្នុងកម្រិតប្រទេសអាស៊ាននេះមានកីឡាករគេល្អខ្លាំងៗជាង។ លោករស់សុវាចាអ្នកនាំពាក្យក្រសួងអប់រំយុវជននិងកីឡាមិនអាចឆ្លើយតបបានភ្លាមៗដោយសារលោកអះអាងថានៅជាប់រវល់ប៉ុន្តែលោកហួតសេងទ្រីប្រធាននាយកដ្ឋានរៀបចំព្រឹត្តិការណ៍កីឡានៃអគ្គនាយកដ្ឋានកីឡាបានឲ្យដឹងថា៖តាមរយៈប្រជុំបច្ចេកទេសចុងក្រោយជាគោលការណ៍អគ្គនាយកដ្ឋានកីឡានៃក្រសួងអប់រំយុវជននិងកីឡាសម្រេចរៀបចំធ្វើការប្រកួតកីឡាកម្រិតអាស៊ីអគ្នេយ៍ចំនួន៣តែប៉ុណ្ណោះគឺបាល់បោះប្រដាល់គុនខ្មែរនិងគុនល្បុក្កតោក្នុងឆ្នាំ២០២១នេះ។ ស្តីពីស្ថានភាពកីឡាល្បុក្តោវិញលោកអ៊ូតារាអគ្គលេខាធិការរងសហព័ន្ធកីឡាគុនល្បុក្កតោឲ្យដឹងថា៖ សហព័ន្ធកីឡាគុនល្បុក្កតោកម្ពុជាគ្រោងនឹងរៀបចំការប្រកួតកីឡាគុនល្បុក្កតោជើងឯក អាស៊ីអាគ្នេយ៍ជាលើកដំបូង នាខែតុលាឆ្នាំ២០២១នេះ។លោកអ៊ូតារា បញ្ជាក់ថា ការទទួលរៀបចំធ្វើម្ចាស់ផ្ទះ កម្រិតអាស៊ីអាគ្នេយ៍នេះ គឺជាកិច្ចការធំមួយរបស់សហព័ន្ធដែលត្រូវបំពេញកិច្ចការចាប់ពីដើមឆ្នាំ២០២១តែម្តង។ក្នុងនោះដូចជាការបណ្តុះបណ្តាលអាជ្ញាកណ្តាល ចៅក្រមអន្តរជាតិ បញ្ជូនអ្នកជំនាញគុនល្បុក្កតោទៅបង្វឹកកីឡាករ កីឡាការិនីនៃបណ្តាប្រទេសដែលជាសមាជិកក្នុងអាស៊ីអាគ្នេយ៍។ លោកវ៉ាត់ចំរើនអគ្គលេខាធិការនិងជាអគ្គNOCC មានប្រសាសន៍ថា៖ក្នុងនាមជាម្ចាស់ក្បាច់គុនព្រលឹងវប្បធម៌មួយនេះ ក៏ត្រូវតែពង្រឹងគុណភាពបន្ថែមលើមន្ត្រីគណៈកម្មការរៀបចំការប្រកួតមាន អាជ្ញាកណ្តាល ចៅក្រម កីឡាករ កីឡាការិនីជម្រើសជាតិនេះតែម្តងដើម្បីជូលប្រកួត។លោកបន្តថា កាលបរិច្ឆេទនៃការប្រកួត...

គុនល្បុក្កតោជើងឯកអាស៊ីអាគ្នេយ៍ជាលើកដំបូងនឹងធ្វើចុងឆ្នាំ២០២១

ភ្នំពេញ៖ សហព័ន្ធកីឡាគុនល្បុក្កតោកម្ពុជាគ្រោងនឹងរៀបចំការប្រកួតកីឡាគុនល្បុក្កតោជើងឯក អាស៊ីអាគ្នេយ៍ ជាលើកដំបូង នាខែតុលា ឆ្នាំ២០២១នេះ នៅកម្ពុជា ដោយមាន៤ប្រទេសផ្សេងៗទៀតក្នុងអាស៊ីអាគ្នេយ៍ដែលគ្រោងនឹងចូលរួម។ លោក អ៊ូ តារា អគ្គលេខាធិការរង សហព័ន្ធកីឡាគុនល្បុក្កតោកម្ពុជាបញ្ជាក់ថា ការទទួលរៀបចំម្ចាស់ផ្ទះ គុនល្បុក្កតោអាស៊ីអាគ្នេយ៍នេះ គឺជាកិច្ចការធំមួយរបស់សហព័ន្ធដែលត្រូវបំពេញកិច្ចការចាប់ពីដើមឆ្នាំ២០២១តទៅ ដូចជាការបណ្តុះបណ្តាលអាជ្ញាកណ្តាល ចៅក្រមអន្តរជាតិ បញ្ជូនអ្នកជំនាញគុនល្បុក្កតោទៅបង្វឹកកីឡាករ កីឡាការិនីនៃបណ្តាប្រទេសដែលជាសមាជិកក្នុងអាស៊ីអាគ្នេយ៍។ ក្នុងពេលជាមួយគ្នានេះដែរ កម្ពុជា ក្នុងនាមជាម្ចាស់ក្បាច់គុនព្រលឹងវប្បធម៌មួយនេះ ក៏ត្រូវតែពង្រឹងគុណភាពបន្ថែមលើមន្ត្រីគណៈកម្មការរៀបចំការប្រកួត មន្ត្រីគណៈកម្មការបច្ចេកទេស...

កីឡាវាយកូនឃ្លីលើតុទ្វីបអាស៊ីផ្តល់គម្រោងគាំទ្រចំនួនពីរដល់កម្ពុជា

សហព័ន្ធកីឡាវាយកូនឃ្លីលើតុកម្ពុជានឹងទទួលបានគម្រោងចំនួន២ពីសហព័ន្ធកីឡាវាយកូនឃ្លីលើតុទ្វីបអាស៊ីនៅត្រឹមពាក់កណ្តាលឆ្នាំ២០២០ជាសម្ភារៈហ្វឹកហាត់និងថវិកាដើម្បីរៀបចំការហ្វឹកហាត់និងប្រកួតលក្ខណៈបោះជុំរំនិងបណ្តុះបណ្តាលប៉ុន្តែនៅចុងឆ្នាំ២០២០អាចនឹងមានគម្រោង១បន្ថែមទៀតខណៈដែលសកត្តានុពលរបស់កីឡាវាយកូនបាល់លើតុរបស់កម្ពុជាត្រូវបានគេវាយតម្លៃពីការខិតខំប្រឹងប្រែងក្នុងរបត់គ្រប់គ្រងដឹកនាំថ្មីទទួលបានកម្រិតបច្ចេកទេសល្អជាងពេលមុនៗ។ នេះតាមការអះអាងពីលោក ស៊ុន សុទ្ធារិទ្ធ អគ្គលេខាធិការសហព័ន្ធវាយកូនឃ្លីលើតុកម្ពុជា។ លោក ស៊ុន សុទ្ធារិទ្ធ អគ្គលេខាធិការសហព័ន្ធវាយកូនឃ្លីលើតុកម្ពុជា មានប្រសាសន៍ថា៖ខ្ញុំរំភើបនិងត្រេកអរក្រៃលែងនៅពេលទទួលបានដំណឹងនេះពីកីឡាវាយកូនឃ្លីលើតុទ្វីបអាស៊ីដែលបានយកចិត្តទុកដាក់ជួយដល់សហព័ន្ធវាយកូនឃ្លីលើតុកម្ពុជា។ជាមួយគ្នានេះដែលប្រសិនបើការអនុវត្តគម្រោងទី១និងទី២ទទួលបានលទ្ធផលល្អនោះសហព័ន្ធកីឡាវាយកូនឃ្លីលើតុទ្វីបអាស៊ីបានបង្ហាញភ្លើងខៀវថានឹងមានគម្រោងទី៣ទៀតនៅចុងឆ្នាំ២០២១នេះ។លោកស៊ុនសុទ្ធារិទ្ធបន្ថែមលម្អិតថា៖គម្រោងទី១សហព័ន្ធយើងទទួលបានតុចំនួន១៦ដែលក្នុងនោះមានតុចំនួន៨ជាតុសម្រាប់បម្រើការហ្វឹកហាត់និងតុចំនួន៨ទៀតជាតុសម្រាប់ការប្រកួតជាផ្លូវការទាំងកម្រិតជាតិនិងអន្តរជាតិ។ក្នុងគម្រោងទី១នេះដែរសហព័ន្ធអាស៊ីបានផ្ដល់ឲ្យកម្ពុជានូវគ្រាប់បាល់សម្រាប់ប្រកួតចំនួន៥០០គ្រាប់,រ៉ាក់កែតចំនួន៥០។រនាំងសម្រាប់ឃាំងជុំវិញកន្លែងប្រកួតចំនួន៥០ផ្ទាំងតារាងសម្រាប់ដាក់ពិន្ទុចំនួន៨និងតុសម្រាប់អាជ្ញាកណ្ដាលចំនួន៨ទៀត។សម្រាប់គម្រោងទី២គឺនៅខែមីនាឆ្នាំ២០២០នេះសហព័ន្ធទ្វីបអាស៊ីនឹងជួយឲ្យកីឡាករកីឡាការិនី កម្ពុជាបោះជុំរំដើម្បីហ្វឹកហាត់ដោយផ្តោតទៅលើយុវជនប៉ុន្តែមិនទាន់ដឹងច្បាស់លម្អិតនៅឡើយទេដោយរង់ចាំជំនួបពិភាគ្សាគ្នាពីព្រោះគម្រោងទី២នេះយើងមិនទាន់ពិនិត្យជ្រើសរើសកន្លែងថាសម្រេចនៅទីណានៅឡើយទេគឺមានទឹកប្រាក់ខ្ទង់៦០០០ដុល្លារអាមេរិក។ ទាក់ទងទៅនឹងសំណួរអំពីផែនការយុទ្ធសាស្ត្រដើម្បីឆ្ពោះទៅនឹង ព្រឹត្តិការណ៍ប្រកួតកីឡាស៊ីហ្គេមលើកទី៣១នៅប្រទេសវៀតណាមនៅខែវិច្ឆិកាឆ្នាំ២០២១ខាងមុខតើសហព័ន្ធកីឡាវាយកូនឃ្លីលើតុរៀបចំរបៀបណា?លោកអគ្គលេខាធិការពន្យល់បញ្ជាក់ថា៖ខ្ញុំធ្លាប់ដើរចេញពីសហព័ន្ធនេះរយៈពេល៥ឆ្នាំខ្ញុំមិនដែលឃើញសហព័ន្ធកីឡាអាស៊ីយកចិត្តទុកដាក់ទេប៉ុន្តែខ្ញុំបានវិលមកកាន់តំណែងអគ្គលេខាធិការដ៍សំខាន់នេះជាថ្មីក្រោមការដឹកនាំរបស់ប្រធានថ្មីគឺលោកនាយឧត្តមសេនីយ៍គៀតច័ន្ទថារិទ្ធគឺយើងទទួលបានការគាំទ្រទាំងថ្នាក់ជាតិវិស័យឯកជន, អន្តរជាតិព្រមទាំងក្រិតទ្វីបអាស៊ីផងដែរគឺធ្វើឲ្យសក្តានុពលយើងឡើងជាលំដាប់។នេះជាការពិតមិនមែនខ្ញុំចេះតែអួតទេសុំមើលជាក់ស្តែង។ចំពោះព្រឹត្តិការណ៍ស៊ីហ្គេមនៅវៀតណាមចុងឆ្នាំ២០២១នេះខ្ញុំរម្ពឹងខ្ពស់នឹងដណ្តើមបានមេដាយកម្រិតណាមួយមិនខានគឺខ្ញុំត្រៀមទៅលើវិញ្ញាសាវាយជាគូ។លោកបានបញ្ជាក់ថាផែនការរបស់សហព័ន្ធគឺយើងបង្វឹកផ្តោតខ្លាំងលើវិញ្ញាសាវាយគូក្នុងមួយខែៗយើងប្រកួតធ្វើតេស្តិ៍ផ្តល់រង្វាន់ជាច្រើនលើកជាមួយគ្នានេះនៅមុនខែវិច្ឆិកាឆ្នាំ២០២១យើងធ្វើការប្រកួតជម្រើសជាតិឲ្យបានរួចរាល់ជ្រើសរើសអត្តពលិកទៅប្រកួតនៅវៀតណាមតែម្តង។សមាមាសភាពដែលយើងត្រៀមគឺអត្តពលិកចំនួន៧នាក់ក្នុងនោះមានកីឡាករចំនួន៤នាក់កីឡាការិនីចំនួន៣នាក់ផ្តោតទៅលើវិញ្ញាសាវាយគូ៕

កីឡាល្បុក្កតោមានដៃគូវិស័យឯកជនក្នុងការជួយគាំទ្រក្នុងកំណែទម្រង់ប្រកួតថ្នាក់ជាតិ

ប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២០ របស់កីឡាសហព័ន្ធកីឡាល្បុក្កតោកម្ពុជា ដែលនឹងចាប់ផ្ដើមពីថ្ងៃទី ២២ ដល់ ២៤ ខែមករា ២០២១ បានស្វែងរកដៃគូឧបត្ថម្ភពីវិស័យឯកជនគឺក្រុមហ៊ុនឈ្មោះសម្រស់ធម្មជាតិដែលមានអគ្គនាយិការ អ្នកស្រីនួនស៊ុន្ទរីផ្តល់ទឹកប្រាក់បន្ថែមចំនួន ១៦៨៥០ដុល្លារបន្ថែមពីលើកថវិកាគាំទ្រពីក្រសួងអប់រំយុវជននិងកីឡា។ នេះជារបត់ថ្មីមួយក្នុងការកំណែទម្រង់ទាំងបច្ចេកទេសទាំងកម្លាំងទឹកចិត្តដើម្បីឲ្យល្បុក្កតោកម្ពុជាសម្រេចបានគោលដៅតាមផែនការមេរបស់camsoc ក្រោមការដឹកនាំរបស់លោកបណ្ឌិតសភាចារ្យច័ន្ទសារុនប្រធានសហព័ន្ធកីឡាល្បុក្កតោកម្ពុជានិងលោកវ៉ាត់ចំរើនជាអនុប្រធានព្រមទាំងគ្រូៗព្រឹទ្ធាចារ្យជាច្រើន។ នៅក្នុងសន្និសីទសារព័ត៌មានកាលពីល្ងាចថ្ងៃទី១៥ ខែមករា ២០២១ ស្តីពីការរៀបចំបើកប្រកួតកីឡាល្បុកតោជ្រើសរើសជើង ឯកថ្នាក់ជាតិប្រចាំឆ្នាំ២០២០ លោកប្រធានសហព័ន្ធសហព័ន្ធមានប្រសាសន៍រម្លឹកថា៖នៅពេលបើកការប្រកួតជើងឯកខាងមុខនេះខ្ញុំស្នើសុំឱ្យលោកគ្រូតាទាំងអស់ដែលជាគណ:កម្មការបច្ចេកទេសជាអាជ្ញាកណ្តាលចៅក្រម ប្រកាន់នូវភាពសុក្រឹតយុត្តិធម៌កុំមានការយោគយល់បក្ចពួកឱ្យសោះ ។ចំពោះកីឡាករ កីឡាការិនីទាំងអស់ ដែលចូលរួមប្រកួតត្រូវគោរពឱ្យបាននូវបទបញ្ជានៃការប្រកួត ក៏ដូចជាគោរពវិន័យកុំប្រើល្បិចនិងត្រូវស្មោះត្រង់ជានិច្ចទៅនឹងវិជ្ជាជីវៈ ប្រកបដោយប្រសិទ្ធភាពទើបលទ្ធផលល្អ។លោកបណ្ឌិតសភាចារ្យច័ន្ទសារុនបានសម្តែងការកោតសរសើរចំពោះកីឡាករ...

អគ្គលេខាធិការបង្ហាញពីសារៈសំខាន់នៃការប្រកួតកីឡាគុនល្បុក្កតោ ជ្រើសរើសជើងឯកថ្នាក់ជាតិ

ភ្នំពេញ៖ លោក អ៊ូ តារា អគ្គលេខាធិការ សហព័ន្ធកីឡាគុនល្បុក្កតោកម្ពុជា បានបង្ហាញពីសារៈសំខាន់នៃការរៀបចំការប្រកួតកីឡាគុនល្បុក្កតោ ជ្រើសរើសជើងឯកថ្នាក់ជាតិ ប្រចាំឆ្នាំ២០២០ ដែលគ្រោងនឹងរៀបចំនាថ្ងៃទី២៣ ដល់ថ្ងៃទី២៤ ខែមករា ឆ្នាំ២០២១ នៅសាលមជ្ឈមណ្ឌលកីឡាការ៉ាតេនៃសាកលវិទ្យាល័យភូមិន្ទភ្នំពេញ ក្រោយពីពន្យារពេលដោយសារបញ្ហាវិបត្តិកូវីដ-១៩។ អគ្គលេខាធិការរូបនេះគូសបញ្ជាក់ថា ការប្រកួតថ្នាក់ជាតិនេះ មានប្រតិភូ គ្រូបង្វឹក កីឡាករ កីឡាការិនីសរុបចំនួន១៩៣នាក់ មកពី២៤សាលាគុន ហើយបើបូករួមទាំងមន្ត្រីគណៈកម្មការបច្ចេកទេស និងអ្នកស្ម័គ្រចិត្តទៀត មានចំនួនសរុបចន្លោះពី២៥០នាក់...