កីឡដ្ឋាន​តំលៃ​ខ្ទង់​ ១​ពាន់​លាន​ដុល្លារ​របស់ David Beckham ចេញវីដេអូ​គំរូ​ហើយ

424

​ក្លិប​បាល់ទាត់​ថ្មី​របស់ David Beckham ដែលមានឈ្មោះថា Miami Freedom Park រឺ Inter Miami បាន​បង្ហាញ​វីដេអូ​គំរូ​កីឡដ្ឋាន ​ដែល​នឹង​ត្រូវ​សាង​សង់​រួចរាល់​ជាផ្លូវ​ការ​នៅ​ក្នុងឆ្នាំ​ ២០២២​ ដើម្បី​ចាប់ផ្ដើម​ប្រឡូក​នៅ​ក្រប​ខណ្ឌ​អាមេរិក Major League Soccer ។​ គំរោង​សាងសង់​កីឡដ្ឋាន​ថ្មី​នេះ​ត្រូវ​បាន​គេ​រំពឹង​ថានឹង​មាន​តំលៃ​ខ្ទង់​មួយ​ពាន់​លាន​ដុល្លារ​អាមេរិក។

​​David Beckham ដែល​ជា​ម្ចាស់​ភាគហ៊ុន និង​ជា​ប្រធាន​ក្លិប​ផង​នោះ បាន​មកដល់​ទឹកដី​អាមេរិក​កាលពី​ឆ្នាំ​ ២០០៧ ក្នុងនាម​ជា​កីឡាករ​ស្ថិត​ក្នុង​កិច្ចសន្យា​ ដែល​រួមមាន​គំរោង​ការ​បង្កើត​ក្លិប​បាល់ទាត់​ថ្មី​នេះ​ផង​ដែរ​។ ​អតីត​កីឡាករ​ជំរើស​ជាតិ​អង់គ្លេស​រូប​នេះ​ បាន​សំរេច​ចិត្ត​ចូល​និវត្តន៍​ពី​បាល់ទាត់ ​មួយ​ឆ្នាំ​ក្រោយ​មកក៏​ងាក​មក​ការ​វិនិយោគ ​ក្លិប​បាល់ទាត់​នេះ​វិញ​។ ​យ៉ាង​ណាក្តី MLS មិនបាន​ផ្តល់​សិទ្ធ​អោយ Beckham ក្នុង​ការ​បង្កើត​ក្លិប​បាល់ទាត់​នោះ​ឡើយ​នៅ​ពេល​នោះ។ 

​​ក្លិប​ Inter Miami CF នឹង​ចាប់ផ្ដើម​ប្រកួត​រដូវ​កាល​ក្រោយ​ខាងមុខនេះ នៅ​លើ​កីឡដ្ឋាន​នៅ​ភាគ​ខាង​ជើង​ទី​ក្រុម Miami​ រយៈពេល ២​រដូវ​កាល​សិន​​៕

Loading...