អត្ថបទថ្មីៗ
កីឡាល្បុក្កតោកម្ពុជា មានសង្ឃឹមខ្ពស់ដណ្តើមមេដាយស៊ីហ្គេម២០២៣
នៅក្នុងព្រឹត្តិការណ៍ស៊ីហ្គេមលើកទី៣២ឆ្នាំ២០២៣ដែលកម្ពុជាធ្វើជាម្ចាស់ផ្ទះកីឡាល្បុក្កតោមានការរំពឹងថាអាច នឹងដណ្តើមបានមេដាយច្រើនពីការប្រកួតក្នុងព្រឹត្តិការណ៍កីឡាដ៏ធំប្រចាំតំបន់អាស៊ីអាគ្នេយ៍មួយនេះ។ លោកព្រឹទ្ធាចារ្យរហ័ស្សនាមគ្រូតាក្រមាមាសសានគឹមស៊ានលោកព្រឹទ្ធាចារ្យហុកឈាងគីមនិងអ្នកទ្រទ្រង់គាំទ្រគំនិតគឺលោកវ៉ាត់ចំរើនមន្ត្រីចាន់ខ្ពស់គ្រប់គ្រងកីឡាព្រមទាំងឥស្សរជនឆ្នើមៗបន្ថែមទៀតបានធ្វើឲ្យកីឡាល្បុុក្កតោកម្ពុជាកំពុងតែឈានទៅរកមានភាពល្បីល្បាញទាំងក្នុងនឹងអន្តរជាតិមកដល់បច្ចុប្បន្ន។
លោកអ៊ូតារា ដែលទទួលភារៈកិច្ចជាអគ្គលេខាធិការសហព័ន្ធមានលោកបណ្ឌិតច័ន្ទសារុនជាប្រធានសហព័ន្ធព្រមទាំងថ្នាក់ដឹកនាំដទៃទៀតរួមទាំងគ្រូបង្វឹកវ័យក្មេងៗកំពុងធ្វើឲ្យសកម្មភាពល្បុក្កតោកម្ពុជាមានភាពរីកចម្រើនគួរឲ្យមោទនភាពដើម្បីសម្រេចគោលដៅរបស់ខ្លួនក្នុងការដណ្ដើមមេដាយឱ្យបានច្រើនក្នុងនាមជាម្ចាស់ផ្ទះនិងជាម្ចាស់ដើមនៃក្បាច់គុនប្រពៃណីមួយនេះ។
លោកវ៉ាត់ចំរើនក្នុងឋានៈជាអនុប្រធានសហព័ន្ធកីឡាល្បុក្កតោកម្ពុជានិយាយថា៖យើងរួមគ្នាត្រៀមខ្លួនយ៉ាងដុតដៃដុតជើងខណៈដែលការត្រៀមខ្លួននេះគឺមិនមែនគ្រាន់តែជាការត្រៀមខ្លួនដើម្បីស៊ីហ្គេម២០២៣ដែលកម្ពុជាធ្វើជាផ្ទះប៉ុណ្ណោះទេប៉ុន្តែក៏ជាការត្រៀមខ្លួនដើម្បីដាក់បញ្ចូលជាសម្បត្តិបេតិកភ័ណ្ឌមនុស្សជាតិរបស់អង្គការយូនីស្កូផងដែរ។យើងមានសាក្ខីកម្មព្រមទាំងសក្តានុពលល្អគ្រប់គ្រាន់ដោយផ្តោតទៅលើវិញ្ញាសាជាច្រើនមានសម្តែងនិងប្រយុទ្ធលក្ខណៈឯកត្តជននិងជាក្រុម។ជាមួយគ្នានេះដើម្បីសម្រេចគោលដៅឆ្ពោះទៅស៊ីហ្គេមលើកទី៣២ឆ្នាំ២០២៣នៅកម្ពុជាប្រភេទកីឡាគុនល្បុក្កតោមានការងារច្រើនណាស់ដែលត្រូវធ្វើបន្តទៀតពីព្រោះគុនល្បុក្កតោគឺជាអត្តសញ្ញាណជាតិព្រលឹងជាតិទាំងមូលពិសេសកម្ពុជាគឺជាម្ចាស់ដើមនៃក្បាច់គុននេះនិងជាប្រភេទកីឡាប្រពៃណីជាតិខ្មែរហេតុនេះមិនអាចមានចំណាត់ថ្នាក់ក្រោមប្រទេសដទៃនៅក្នុងតំបន់អាស៊ានបានឡើយក្នុងស៊ីហ្គេម២០២៣នេះ។
លោកបន្ថែមថាល្បុក្កតោយើងធ្វើសកម្មភាពជាបណ្តើរៗត្រៀមរៀបចំបទបញ្ជាការប្រកួតក្នុងកម្រិតអន្តរជាតិដោយពិនិត្យលើគោលការណ៍លើប្រភេទកីឡាប្រយុទ្ធមួយចំនួនរបស់អន្តរជាតិក៏ដូចជាគោលការណ៍នៃការប្រកួតស៊ីហ្គេមទាំងអស់នេះមិនមែនជារឿងសាមញ្ញឬងាយស្រួលនោះទេដោយសារតែនេះគឺជាវិញ្ញាសាថ្មីនៅស៊ីហ្គេមហើយយើងក្នុងនាមម្ចាស់ផ្ទះមានឱកាសដាក់បញ្ចូលកីឡាប្រពៃណីជាតិយើងដោយតស៊ូមតិទម្រាំឱ្យគណៈកម្មការស៊ីហ្គេមទទួលយកគឺជារឿងមោទនភាព។
លោកអ៊ូតារាអគ្គលេខាធិការសហព័ន្ធនិយាយថា៖ សម្រាប់ការហ្វឹកហាត់ និងសម្រាំងកីឡាករក៏ត្រូវបានត្រៀមខ្លួនយ៉ាងល្អពិសេសជាងពេលមុនៗពោលមានផែនកីឡាការិនីនិងផែនកីឡាករផ្នែកសម្ដែងនិងប្រយុទ្ធជាដើមដែលអាចឱ្យកម្ពុជាជឿជាក់ថាកីឡាករផ្នែកនេះគឺមានធនធានពិតប្រាកដសមជាកីឡាប្រពៃណីរបស់ខ្មែរមានសកត្តានុពលល្អលើឆាកអន្តរជាតិដោយយ៉ាងណាក៍ត្រូវតែមាឆនប្រៀបជាងប្រទេសដទៃ។ លោកអ៊ូតារាបន្តថា៖ទាក់ទងទៅនឹងវិញ្ញសាប្រកួតកីឡាករម្នាក់ៗគ្រប់វិញ្ញាសាក៏ត្រូវបានសម្រាំងយកមកបណ្ដុះដោយយកចិត្តទុកដាក់ដើម្បីពង្រឹងសមត្ថភាពឱ្យក្លាយជាធនធានលើឆាកអន្តរជាតិនោះផងដែរ។ចំណុចមួយទៀតយើងកំពុងប្រមូលផ្ដុំនូវអ្នកមានសមត្ថភាពឱ្យមកធ្វើជាគ្រូបង្វឹក ល្អនឹងចេញទៅបង្កើតល្បុក្កតោនៅប្រទេសក្នុងអាស៊ានយ៉ាងតិចចំនួន៤ប្រទេសដើម្បីបានចូលរួមប្រកួតក្នុងស៊ីហ្គេមនេះ។វិញ្ញាសាដាក់ឲ្យប្រកួតមានគម្រោងពី២០ទៅ២៥ក្នុងនោះមានវិញ្ញាសាសម្តែងទម្រង់មេគុនទាំងអាវុធមានមុខ ឬអាវុធឥតមុខ មេគុនដៃសមយុទ្ធ និងវិញ្ញាសាប្រយុទ្ធជាដើមស្របតាមច្បាប់កីឡារបស់ស៊ីហ្គេម។
តាមការបញ្ចាក់ពីលោកគ្រូតាក្រមាមាសសានគឹមស៊ាននិងលោកអ៊ូតារាអគ្គលេខាធិការឲ្យដឹងថា៖បច្ចុប្បន្នប្រទេសចំនួន៥ទទួលយកការហ្វឹកហាត់គុនល្បុក្កតោដូចជាប្រទេសវៀតណាម ,ហ្វីលីពីន,ឡាវ,ម៉ាឡេស៊ី,មីយ៉ាន់ម៉ាជាដើមហើយជាបន្តបន្ទាប់នឹងមានច្រើនប្រទេសបន្ថែមទៀតដើម្បីមានវត្តមានលើការប្រកួតកីឡាស៊ីហ្គេមឆ្នាំ២០២៣។លោកបន្តថានៅឆ្នាំ២០២២កម្ពុជានឹងរៀបចំការប្រកួតមួយដែលមានឈ្មោះPre-SEA Games(មុនការប្រកួតផ្លូវការ)ដែលឲ្យតែប្រភេទកីឡាថ្មីត្រូវរៀបចំការប្រកួត Pre-SEA Gamesនេះដែលជាគោលការណ៍របស់ស៊ីហ្គេម។លោកអ៊ូតារាបន្ថែមថាទោះបីបញ្ហាកូវីដ១៩ផ្ទុះតែការហ្វឹកហាត់យើងមានជម្រើសថ្មីមួយហ្វឹកហាត់រួមដោយស្នាក់នៅរួមគ្រប់គ្រងបានល្អមិនអនុញាតិចេញជួបអ្នកក្រៅគឺហាត់នៅលើផ្ទះលេខ៣០Cផ្លូវ៣៧១បឹងទំពុនរាជធានីភ្នំពេញដែលមានលោកប្រធានសហព័ន្ធជួលឲ្យ៕
អ្នកលេងគុនខ្មែរក្នុងវ័យ៣៧ឆ្នាំជាង២០ឆ្នាំលើសង្វៀនប្រដាល់ដើម្បីជីវភាពគ្រួសារ
អ្នកលេងគុនខ្មែរក្នុងវ័យ ៣៧ឆ្នាំ ងួន គា ជាអ្នកប្រដាល់មាឌល្អិតចិត្តធំមួយរូបក្នុងទម្ងន់ស្រាលគឺឡើងប្រកួតក្នុងរង្វង់ទម្ងន់ ៥៤ ដល់ ៥៧ និង ៦០គីឡូក្រាម និងភរិយាឈ្មោះ សឹង តុ ជើងខ្លាំងផ្នែកប្រដាល់ស្រីដែលពីរនាក់ប្រទប្រពន្ធបានចាប់យកមុខរបរប្រដាល់ដើម្បីកសាងគ្រួសារ និងចឹញ្ចឹមកូនៗ។ គិតមកដល់ឆ្នាំ ២០២០ នេះ ងួន គា មានអាយុកាន់តែចាស់គឺ ៣៧ឆ្នាំ ទៅហើយមានកូនក្នុងបន្ទុកចំនួន៣នាក់និងប្រពន្ធជាអ្នកប្រដាល់ជើងខ្លាំង មួយរូបឈ្មោះស៊ឹងតុដែលបានលាឈប់ពីសង្វៀនប្រដាល់ដោយសារជម្ងឺទឹកនោមផ្អែម។កីឡាករងួនគាបានអះអាងថានៅតែប្រកួតបានល្អនិងសុំបន្តការប្រកួតកុំឲ្យមានការរើសអើងព្រោះវ័យចាស់នោះពីព្រោះដើម្បីប្រាក់ទ្រទ្រង់ជីវភាពនិងជួយកូនស្រីឲ្យបន្តការរៀនបានដូចគេ។
ងួន...
សហព័ន្ធកីឡាជាតិជាច្រើន បានប្រកាសពន្យារពេលការប្រកួត ដើម្បីចូលរួមទប់ស្កាត់ការរីករាលដាល់ជំងឺកូវីដ-១៩
ភ្នំពេញ៖ សហព័ន្ធកីឡាជាតិជាច្រើន បានប្រកាសពន្យារពេលការប្រកួតថ្នាក់ជាតិជាបន្ដបន្ទាប់ ខណៈកីឡាខ្លះ ត្រូវបានពន្យារពេលជាលើកទី២ បន្ទាប់ពីមានព្រឹត្តិការណ៍សហគមន៍ ២៨វិច្ឆិកា ដើម្បីចូលរួមទប់ស្កាត់ការរីករាលដាល់ជំងឺកូវីដ-១៩ តាមការណែនាំរបស់រាជរដ្ឋាភិបាល ក្រសួងសុខាភិបាល ក៏ដូចជាក្រសួងអប់រំ យុវជន និងកីឡា។
ព្រឹត្តិការណ៍កីឡាជាច្រើន ដែលគ្រោងប្រកួតអំឡុងខែធ្នូនេះ ហើយត្រូវលើកពេល រួមមានការប្រកួតកីឡាវាយសីជ្រើសរើសជើងឯកថ្នាក់ជាតិ ឆ្នាំ២០២០ នៅពហុកីឡដ្ឋានជាតិ គ្រោងប្រកួតពីថ្ងៃទី០៥-០៧ ខែធ្នូ, ការប្រកួតកីឡាទី្រយ៉ាត្លុងជ្រើសរើសជើងឯកថ្នាក់ជាតិ ឆ្នាំ២០២០ នៅខេត្តកែប គ្រោងប្រកួតពីថ្ងៃទី០៤-០៦ ខែធ្នូ,...
សាន គឹមហេង ចាកចេញពីវិសាខា ទៅរួមរស់ជាមួយបឹងកេតជាផ្លូវការ
ភ្នំពេញ៖ ក្រុមជើងឯកបឹងកេត បានបង្ហាញសមាជិកថ្មីដំបូង ដើម្បីត្រៀមរដូវកាលថ្មី គឺកីឡាករ សាន គឹមហេង អតីតយុវជនសាលាបាល់ទាត់ជាតិបាទី។ ការប្រកាសនេះ ធ្វើឡើងក្រោយ ១ថ្ងៃ បន្ទាប់ពីក្លិបវិសាខា បានប្រកាសចែកផ្លូវគ្នាជាមួយខ្សែប្រយុទ្ធវ័យក្មេងរូបនេះកាលពីម្សិលមិញ។
សាន គឹមហេង បានចាកចេញពីសាលាបាល់ទាត់ជាតិបាទី មកចូលរួមជាមួយវិសាខាកាលពីឆ្នាំ២០១៨ ជំនាន់លោក ហុក សុជីវ័ន ដឹកនាំ។ ២រដូវកាលដំបូងដែល គឹមហេង រួមរស់ជាមួយក្រុមសេះជំទង់នេះ រូបគេមានឱកាសបង្ហាញសមត្ថភាពជាបន្ដបន្ទាប់។ តែក្រោយវិសាខា...
កូវីដ-១៩ធ្វើឱ្យសហព័ន្ធប្រដាល់គុនខ្មែរប្រកាសបិទការប្រកួតកីឡាប្រដាល់គុនខ្មែរគ្រប់សង្វៀន២សប្តាហ៍
ក្រោយការផ្ទុះជាថ្មីនៃជម្ងឺឆ្លងកូវីដ-១៩ប៉ុន្មានថ្ងៃថ្មីៗនេះសកម្មភាពជួបជុំត្រូវបានរាជរដ្ឋាភិបាលហាមឃាត់ជាមួយគ្នានេះក្នុងការប្រកួតប្រដាល់គុនខ្មែរដែលមានសង្វៀនចំនួន៦ដែលសរុបការប្រកួតចំនួនយ៉ាងតិច១៦លើកដែលមានជំនួបជុំមនុស្សច្រើនគួរឲ្យកត់សម្គាល់។កាលពីព្រឹកថ្ងៃទី១ខែធ្នូឆ្នាំ២០២០សហព័ន្ធប្រដាល់គុនខ្មែរនិងដៃគូសហការបានសម្រេចផ្គាកការប្រកួតចំនួនចំនួនពីរសប្តាហ៍ពោលគឺពីថ្ងៃ១ដល់ថ្ងៃទី១៥ធ្នូឆ្នាំ២០២០ខាងមុខ។
លោកឧត្តមសេនិយ៍ឯកតែមម៉ឺនប្រធានសហព័ន្ធប្រដាល់គុនខ្មែរប្រាប់ភ្នំពេញប៉ុស្តិ៍ក្រោយកិច្ចប្រជុំថា៖យើងតម្រូវឲ្យផ្អាកការប្រកួតចំនួនពីរសប្តាហ៍សិនគឺតាមការនែនាំនិងសេចក្តីជូនដំណឹងរបស់រាជរដ្ឋាភិបាលនិងលិខិតណែនាំរបស់ក្រសួងអប់រំយុវជននិងកីឡាចុះថ្ងៃទី៣០ខែវិច្ឆិកាឆ្នាំ២០២០។លោកតែមម៉ឺនបន្ថែមថា៖ខ្ញុំបានប្រជុំឯកភាពជាមួយភាគីពាក់ព័ន្ធនិងបានចេញសេចក្តីជូនដំណឹងគឺផ្គាកការប្រកួតចំនួនពីរសប្តាហ៍រហូតដល់ថ្ងៃទី១៥ខែធ្នូឆ្នាំ២០២០ដើម្បីរង់ចាំបទបញ្ជារឬការនែនាំជាថ្មី។ក្នុងនោះសហព័ន្ធចេញសេចក្តីជូនដំណឹងទៅអគ្គនាយកទូរទស្សន៍ដែលមានការប្រកួតប្រចាំសប្តាហ៍និងលិខិតមួយទៀតជូនទៅសមាគមប្រដាល់គុនខ្មែរក្រសួង,រាជធានីនិងខេត្តដើម្បីជ្រាបជាពត៌មាន។
បើនិយាយពីជំនួបប្រកួតក្នុងសកម្មភាពប្រកួតប្រដាល់វិញក្នុងមួយសប្តាហ៍មានទូរទស្សន៍ចំនួន៦ផ្សាយផ្ទាល់រាលចុងសប្តាហ៍ពីថ្ងៃសុក្រដល់ថ្ងៃអាទិត្យគឺមានសង្វៀនបាយ័នចំនួន៦កម្មវិធីក្នុងមួយសប្តាហ៍សង្វៀនCBSចំនួន៥កម្មវិធីក្នុងមួយសប្តាហ៍ក្រៅពីនេះមានមួយកម្មវិធីដូចជាសង្វៀនថោនសង្វ[នPNN សង្វៀនTv5សង្វៀនឯកភ្នំខេត្តបាត់ដំបងនៃសង្វៀនETV ។កម្មវិធីប្រកួតយ៉ាងតិច១៥លើកក្នុងមួយសប្តាហ៍ហើយមួយលើកៗយ៉ាងតិចមានកីឡាករ៥គូស្មើនឹង១០នាក់ហើយបើគិតសរុបមួយសប្តាហ៍មានចំនួន១៥លើកយ៉ាងតិចមានកីឡាករ១៥០នាក់ទៅហើយ។បន្ថែមលើសពីមានចៅក្រមគណៈកម្មការរៀបចំមួយលើកមិនតិចជាង៣០នាក់ដែលសរុបទៅក្នុងមួយសប្តាហ៍ខ្ទង់៤៥០នាក់ដែលជួបគ្នាវិលជុំដោយមិនទាន់គិតដល់ក្រុមខាងស្ពនស័រផ្នែកពាណិជ្ជកម្មឬអ្នកនាំកីឡាករនិងអ្នកឲ្យទឹកផង។
លោកគ្រូពេទ្យប្រចាំសង្វៀនសុំមិនឲ្យបញ្ចេញឈ្មោះប្រាប់ថា៖តាមខ្ញុំយល់គួរតែផ្អាកសិននឹងហើយពីព្រោះការជួបជុំរបស់កីឡាករមុននឹងក្រោយការប្រកួតរវាងកីឡាករនិងគ្រូពេទ្យ, អាជ្ញាកណ្តាលគឺនៅជិតកីឡាករជាងគេហើយកីឡាករប៉ះជាមួយកីឡាករគឺគម្លាតពីគ្នាយ៉ាងដូចម្តេចក៍ជួបហានិភ័យខ្ពស់ដែរ។ ប្រភពដដែលបានបន្ថែមថា៖ ប្រសិនមាននរណាម្នាក់មានផ្ទុកកូវីដ១៩គឺងាយនឹងឆ្លងបន្តគ្នាដែលលំបាកប៉ាន់ស្មានឬទប់ស្កាត់បាន៕
រាជរដ្ឋាភិបាល ឯកភាពលើប្លង់កៅអីអង្គុយ នៃពហុកីឡដ្ឋានជាតិមរតកតេជោ
ភ្នំពេញ៖ រាជរដ្ឋាភិបាលកម្ពុជា បានឯកភាពលើគម្រោងរចនាប្លង់រៀបចំកៅអីអង្គុយក្នុងកីឡដ្ឋានធំ (Main Stadium) នៃពហុកីឡដ្ឋានជាតិមរតកតេជោ ដែលជាកន្លែងត្រៀមទទួលធ្វើម្ចាស់ផ្ទះការប្រកួតកីឡាស៊ីហ្គេម លើកទី៣២ ឆ្នាំ២០២៣ ជាផ្លូវការហើយ ដោយរំលេចនូវពណ៌ចំនួន៣ ដែលតំណាងឲ្យភាពរឹងមាំ និងជានិមិត្តរូបរបស់ប្រទេសកម្ពុជា។
ការឯកភាពនេះ បន្ទាប់ពីសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២០ (CAMSOC) និងលោកបណ្ឌិត ថោង ខុន...
សហព័ន្ធកីឡាតុងហ្គីលម៉ូដូកម្ពុជា បានបិទវគ្គបណ្តុះបណ្តាលចៅក្រមអាជ្ញាកណ្ដាល និងគ្រូ
កីឡាតុងហ្គីលម៉ូដូ ជាប្រភេទកីឡាប្រយុទ្ធមួយប្រភេទដែលកម្ពុជាធ្លាប់ឈ្នះពីព្រឹត្តិការណ៍អន្តរជាតិនៅប្រទេសថៃយ៉ាងលេចធ្លោតាំងពីឆ្នាំ២០០៧ នៅប្របទេសថៃ និងហ្វីលីពីនជាបន្តបន្ទាប់ ក្រោមការដឹកនាំរបស់លោក ជ័យ ចាប ជាប្រធានសហព័ន្ធបានធ្វើឲ្យកីឡានេះទទួលបានផ្លែផ្កាជាបន្តបន្ទាប់។
ជាមួយគ្នានេះក្រសួងអប់រំយុវជន និងកីឡាបានទទួលស្គាល់និងជួយជ្រុមជ្រែងឧបត្ថម្ភថវិកាសម្រាបវ់ប្រតិបត្តិការដូចសហព័ន្ធដទៃដែលមានគម្រោងចំណាយប្រចាំឆ្នាំចំនួន ៦០លានរៀលក្នុងមួយឆ្នាំ។ កាលពីថ្ងៃទី ៣០ ខែវិច្ឆិកាឆ្នាំ២០២០ សហព័ន្ធកីឡាតុងហ្គីលម៉ូដូកម្ពុជាបានបិទវគ្គបណ្តុះបណ្តាលចៅក្រមអាជ្ញាកណ្ដាល និងគ្រូកម្រិតបឋមព្រមទាំងកម្រិតមធ្យមរយៈពេល៥ថ្ងៃដោយចាប់ពីថ្ងៃទី២៥ដល់ថ្ងៃទី២៩ខែវិច្ឆិកាឆ្នាំ២០២០នៅរាជធានីភ្នំពេញដែលមានសិក្ខាកាមចូលរួមចំនួន៣២នាក់ក្នុងនោះនារីចំនួន០៧នាក់។នៅក្នុងនោះដែរមានការចូលរួមពីថ្នាក់ដឹកនាំលោកគ្រូអ្នកគ្រូមកពីបណ្តាលក្លិបនានានៅរាជធានីភ្នំពេញនិងបណ្តាលខេត្តមួយចំនួនផងដែរ។
លោកចំរើនសុផលលោកអគ្គលេខាធិការបានឲ្យដឹងថា៖ ក្នុងពិធីបិទមានការចូលរួមពីឯកឧត្តមជ័យចាបប្រធានសហព័ន្ធកីឡាតុងហ្គីលម៉ូដូកម្ពុជា លោក ហាជីមិសៃតុ ប្រធាន សហព័ន្ធកីឡាតុងហ្គីលម៉ូដូប្រចាំឥណ្ឌូចិន។ លោកជាវណ្ណចាន់ត្រាអនុប្រធាន មាន និងសិក្ខាកាម។លោកហាជីមិសៃតុប្រធានសហព័ន្ធកីឡាតុងហ្គីលម៉ូដូប្រចាំឥណ្ឌូចិននិងមន្ត្រីជាន់ខ្ពស់ផ្នែកកីឡាជាច្រើន។លោកស្រីចៅសុគន្ធីអនុប្រធាននាយកដ្ឋានអប់រំកាយ និងកីឡា។
លោក...
កែវ រំចង់ និង វង្ស ណយ វិលមកកាន់សង្វៀនឡើងវិញក្នុងទម្ងន់៨៣គីឡូក្រាមក្រោយខកខានជិតមួយឆ្នាំ
បន្ទាប់ពីខកខានប្រកួត និងឃ្លាតពីសង្វៀនប្រដាល់ជិតមួយឆ្នាំដូចគ្នា កែវ រំចង់ និង វង្ស ណយ បានណាត់គ្នាឡើង សង្វៀនវិញក្នុងកម្មវិធីខារ៉ាបាវម៉ោង ៦ល្ងាច ថ្ងៃទី២៩ ខែវិច្ឆិកា ឆ្នាំ២០២០ នៅសង្វៀនបាយ័ន។
ក្នុងបទសម្ភាសជាមួយអ្នកប្រដាល់ឆ្នើមទាំងពីរ គឺពាក្យដែលធ្លាប់អះអាងថាលាចាកពីសង្វៀនប្រកួតដោយហេតុផលផ្សេងៗពីគ្នានោះ ឥឡូវត្រូវបានបកស្រាយវិញថា នឹងឡើងសង្វៀនទៅតាមសំណូមពរបងប្អូនដែលចង់ឃើញការប្រកួតឡើងវិញ។ ជាមួយគ្នានេះពួកគេសុទ្ធតែឡើងទម្ងន់ខ្ពស់ ប៉ុន្តែសម្រកមកប្រកួតក្នុងទម្ងន់ ៨៣គីឡូក្រាមក្ នុងតម្លៃខ្លួនពិសេសមួយសុំមិនបញ្ចេញឲ្យដឹង។ យ៉ាងណាក៍ដោយកន្លងមកពួកគេមិនព្រមចូលប្រកួតដោយសារបញ្ហាតម្លៃខ្លួននេះមួយចំណែកផងដែរ ប៉ុន្តែប្រភពមួយដ៏គួរឲ្យទុកចិត្តមួយបានខ្សឹបប្រាប់ថា៖ តម្លៃខ្លួនប្រកួតលើកនេះប្រហែលស្មើនឹងប្រកួតលក្ខណៈអន្តរជាតិមុនៗដែរ។
វង្ស...
កីឡាប្រដាល់ចាស់វស្សា៤រូបនឹងប៉ះគ្នានៅសង្វៀនថោនចុងខែវិច្ឆិកានេះ
ភ្នំពេញៈ កីឡាករជើងចាស់ទម្ងន់ ៦៧គីឡូក្រាម ឆៃ សារ៉ា, មុត ខ្លឹមខ្មៅ, គឹមវាសនា និង មាស សុជាតិ នឹងប៉ះគ្នានៅលើសង្វៀនថោននៅថ្ងៃទី២៩ ខែវិច្ឆិកានេះ ដើម្បីប្រជែងយកប្រាក់រង្វាន់ ៣លាន ៤សែនរៀល។
តាមរយៈបទពិសោធន៍ប្រកួតជាង ១០០លើក កីឡាករទាំង៤ កំពុងរំពឹងទទួលបានប្រាក់រង្វាន់រៀងៗខ្លួន។ ប៉ុន្ដែទោះបីជាយ៉ាងណា ក៏ឡាករ គឹម វាសនា មានបទពិសោធន៍លើសង្វៀនតិចជាងគេ...
ធន់ អៀនឡៃ និង រិន ដេវីត ប្រជែងគ្នាក្នុងវគ្គ ៤នាក់ចុងក្រោយ
ប្រកួត TV5 Boxing Knock-Out Serie by Cell Card សម្រាប់ថ្ងៃទី ២៨ ខែវិច្ឆិកា ឆ្នាំ២០២០ ចូលដល់វគ្គពាក់កណ្ដាលផ្ដាច់ព្រ័ត្រ ឬ ៤នាក់ចុងក្រោយហើយរវាង ធន់ អៀនឡៃ មកពីក្លិបកងយោធពលខេមរភូមិន្ទ និង រិន ដេវីត របស់ក្លិបនាគរាជចតុមុខ។ អ្នកឈ្នះនឹងទៅដល់វគ្គ ផ្ដាច់ព្រ័ត្រទទួលបានពាន...
