អត្ថបទថ្មីៗ

ម៉នសាម៉េត​ និងលាភរដ្ឋាសង្ឃឹមឈ្នះដូចគ្នាតែយ៉ាងណាក៍មានឱកាសឆ្លងទៅវគ្គ៨នាក់ចុងក្រោយដែរ

អ្នកប្រដាល់ឆ្នើមពីរនាក់គួរឲ្យចាប់អារម្មណ៍គឺ ម៉ន សាម៉េត និងលាភ រដ្ឋា បានតម្លើងទម្ងន់មក៦០គីឡូក្រាមប្រកួតដណ្តើមប្រាក់ចំនួន១ម៉ឺនដុល្លារនៅសង្វៀនហង្សមាសនាថ្ងៃសៅរ៍ទី៦ខែមិនាឆ្នាំ២០២១សប្តាហ៍នេះ។ ម៉ន សាម៉េត និងលាភ រដ្ឋា ស្ថិតនៅក្នុងពូលជាមួយគ្នាទោះបីការចាញ់ឬឈ្នះ និងមានលទ្ធផលបែបណាក៍ពួកគេមានឱកាសបានចេញផុតពីពូលដូចគ្នាសម្រាប់បង្គ្រប់ចំនួន៨នាក់ដែលត្រៀមចាប់គូជាពីរពូលឡើងវិញដើម្បីបន្តទៅរហូតដល់វគ្គពាក់កណ្តាលផ្តាច់ព្រ័ត្រ។ប្រកួតក្នុងអំឡុងវគ្គជម្រុះគិតមកដល់ពេលនេះ ម៉ន សាម៉េត និងលាភ រដ្ឋា យកឈ្នះដៃចំនួន ៣លើកដូចគ្នាពិសេសក្នុងពូលជាមួយគ្នាចំនួន ៤នាក់ពួកគេសុទ្ធតែផ្តួលកីឡាករ ថន ភឿត និង ព្រឿង សុជាតិ...

សម្តេច​ ទៀ​ បាញ់​ ប្រកាស​ឲ្យ​អត្តពលិក​ និង​មន្ត្រី​ពាក់​ព័ន្ធ​កីឡា​សម្រុក​ចាក់​វ៉ាក់​សាំង​កូ​វីដ​-១៩​

សម្តេច​ពិជ័យ​សេនា​​ ​ទៀ​ បាញ់ ​ឧប​នាយក​រដ្ឋមន្ត្រី​រដ្ឋមន្ត្រី​ក្រសួង​ការពារ​ជាតិ ​និង​ជា​ប្រធាន​គណៈ​កម្មាធិការ​ជាតិ​រៀប​ចំ​ការ​ប្រកួត​កីឡា​អាស៊ី​អាគ្នេយ៍​លើក​ទី​៣២​ ឆ្នាំ​២០២៣ ​(CAMSOC)​ បាន​ប្រ​កាស​ដល់​អត្តពលិក​,គ្រូ​បង្វឹក​,ក្រុម​ជម្រើស​ជាតិ​មន្ត្រី​ដឹក​នាំ​កីឡា​,​ដើម្បី​ចាក់​វ៉ាក់​សាំង​នៅ​មន្ទីរ​ពេទ្យ​ព្រះ​កេតុ​មាលា​កាល​ពី​ព្រឹក​​នា​ថ្ងៃ​អង្គារ៍​ទី​២​ខែ​មីនា​ឆ្នាំ​២០២១​ដើម្បី​យុទ្ធនា​ការចាក់​វ៉ាក់សាំង​បង្ការ​ជំងឺ​កូ​វីដ​-១៩​ឲ្យ​បាន​គ្រប់គ្នា​ក្នុង​យុទ្ធ​នា​ការ​៣​ថ្ងៃ​។​ជា​មួយ​គ្នា​នេះ​លោក​វ៉ាត់​ចំរើន​ក្នុង​នាម​អគ្គ​លេខា​ធិការ​ CAMSOC​ ឲ្យ​ដឹង​ថា​៖​​ ថ្ងៃ​ដំបូង​នេះ​ថ្នាក់ដឹក​នាំ​,មន្ត្រី​កីឡា​,គ្រូបង្វឹក​កីឡាករ កីឡាការិនី​ជម្រើស​ជាតិ​បាន​​ទៅ​ចាក់​ជា​បន្ត​បន្ទាប់​ហើយ​ក្នុង​គម្រោង​ចំនួន​១០៥១​នាក់​នេះ​អាច​នឹង​លឿន​ជា​ការ​គ្រោង​ទុក​។​ ក្នុង​នោះ​ដែរ​ប្រ​សិន​បើ​ការ​ទៅ​ចាក់​វ៉ាក់​សាំង​ជាក់​ស្តែង​បាន​លឿន​អាច​នឹង​មិន​ដល់​រយៈ​ពេល​៣​ថ្ងៃ​ឡើយ​គឺ​ពីរ​ថ្ងៃ​នឹង​ចប់​​។​ លោក ​វ៉ាត់​ ចំរើន​ បាន​ឲ្យ​ដឹង​ថា​៖​ នេះ​ជា​ការ​កិច្ចការ​ចាំបាច់​បំផុត​ដែល​ការ​ចាក់​វ៉ាក់​សាំង​បង្ការ​ជំងឺ​កូ​វីដ​-១៩​ នេះ​ដើម្បី​ប្រយុទ្ធ​ប្រឆាំង​នឹង​ជំងឺ​ដ៏​កាច​សាហាវ​កូ​វីដ​-១៩​នេះ​ពី​ព្រោះ​ក្រុម​ជម្រើស​ជាតិ​មន្ត្រី​កីឡា​, ថ្នាក់​ដឹក​នាំ​ និង​គ្រូ​បង្វឹក​មួយ​ចំនួន​មាន​ការ​ពាក់​ព័ន្ធ​ និង​មាន​ទំនាក់​ទំនង​ច្រើន​ជា​មួយ​មនុស្ស​ជា​ច្រើន​ផ្សេងៗ​ទៀត​ពិសេស​កិច្ច​ការ​ប្រជុំ​ឬ​ប្រ​កួត​ឆ្លង​ប្រទេស​ជា​ដើម​។​ លោក ​វ៉ាត់​ ចំ​រើន...

លោក ថាង ហ្គោដុន បន្តដឹកនាំជាប្រធានកីឡាទូកក្តោងកម្ពុជាអណត្តិទី២ដល់ឆ្នាំ២០២៣

សហព័ន្ធកីឡាទូកក្តោងកម្ពុជាបានរៀបចំមហាសន្និបាតបញ្ចប់អាណត្តិទី១ ឆ្នាំ២០១៥ ដល់ឆ្នាំ២០១៩ និងបន្តអាណត្តិថ្មីទី២ ឆ្នាំ២០១៩ ដល់ឆ្នាំ២០២៣ នៅទីស្នាក់ការគណគម្មាធិការជាតិអូឡាំពិកកម្ពុជានាព្រឹកថ្ងៃចន្ទទី២២ខែកុម្ភៈ ឆ្នាំ២០២១ (NOCC)។វត្តមានសំខាន់ៗមកពីតំនាងក្រសួងអប់រំយុវជននិងកីឡាតំណាងគម្មាធិការជាតិអូឡាំពិកកម្ពុជាសមាជិកសហព័ន្ធនិងកីឡាករកីឡារិនីយ៉ាងច្រើនផងដែរ។ លោក សោម សុទ្ធរិទ្ធិពង្ស អគ្គលេខាធិការសហព័ន្ធបានអានរបាយការណ៍និងបង្ហាញសមិទ្ធផលអាណត្តិចាស់ ព្រមទាំងប្រកាសសមាសភាពគណៈកម្មាធិការប្រតិបត្តិអាណត្តិថ្មីចំនួន៩រូបក្នុងនោះលោកថាង ហ្គោដុន ដែលជាប្រធានចាស់ទទួលបានការគាំទ្រដឹកនាំជាប្រធានសហព័ន្ធអាណត្តិថ្មីនេះបន្តទៀត។លោកថាង ហ្គោដុនដែលជាអនុប្រធានគណម្មាធិការជាតិអូឡាំពិកកម្ពុជាផងនោះមិនបានមានវត្តមានដោយបញ្ហាកូវីដ១៩។ យ៉ាងណាក៍មហាសន្និបាតបានគាំទ្រលោកក្នុងសម្លេង១០០ភាគរយក្នុងនោះអង្គមហាសន្និបាតសហព័ន្ធកីឡាទូកក្តោងកម្ពុជាបានអនុម័តផ្តល់សេចក្តីទុកចិត្តដល់សមាសភាពគណៈកម្មាធិការប្រតិបត្តិអាណត្តិថ្មីចំនួនសរុប៨រូបមាន៖លោក ថោងរដ្ឋសក្តិ អនុប្រធានទី១, លោកវ៉ាត់ ចំរើនអនុប្រធានទី២,លោកសោមសុទ្ធរិទ្ធិពង្សអគ្គលេខាធិការ និងកញ្ញាងួនតរុណីជាអគ្គហិរញ្ញឹក ខណៈ៤រូបទៀតជាសមាជិក។ លោក វ៉ាត់ ចំរើន...

មុតខ្លឹមខ្មៅឈ្នះប្រាក់ពីសង្វៀនថោនទៅសង់ផ្ទះបង្ហើយ ខណៈឆៃសារ៉ា ចាញ់តាំងតែពីវគ្គជម្រុះ

មុត​ខ្លឹម​ខ្មៅ​ដែល​ធ្លាប់​ត្អូញ​ត្អែ​ពី​ជីវភាព​លំបាក​ក្រី​ក្រ​ក្នុង​មុខ​របរ​ឡើង​ប្រ​កួត​ប្រដាល់​​កន្លង​មក​នោះ​បាន​ឈ្នះ​ប្រាក់​រង្វាន់​ប្រចាំ​សប្តាហ៍​ជា​ថ្មិ​កាល​ពី​យប់​ថ្ងៃ​អាទិត្យ​ទិ២១​ខែ​កុម្ភៈ​ឆ្នាំ​២០២១​នៅ​សង្វៀន​ប្រដាល់​ថោន​។​ចំនួប​ប្រ​កួត​ដែល​ឆ្លង​កាត់​ចំនួន​២​វគ្គ​នេះ​កីឡាករ​មុត​ខ្លឹម​ខ្មៅ​បាន​ឈ្នះ​កីឡាករ​ជើង​ខ្លាំង​ឆៃ​សារ៉ា​ដោយ​ពិន្ទុ​ទាំង​លំបាក​លំបិន​ក្នុង​លទ្ធផល​ពិន្ទុ​ពី​សំណាក់​ចៅ​ក្រម​៣​ទល់​នឹង​២​ហើយ​ទទួល​បាន​ប្រាក់​ចំនួន​៣លាន​៤សែន​រៀល​ពី​សង្វៀន​។​ ជា​មួយ​គ្នា​នេះ​បើ​និយាយ​ពី​ជីវភាព​របស់​មុត​ខ្លឹម​ខ្មៅ​បច្ចុប្បន្ន​វិញ​ចាប់​ផ្តើម​ប្រែ​ប្រួល​ឈាន​ឡើង​បាន​ធូរ​ធា​ជា​លំដាប់​ដោយ​មាន​ការ​ជួយ​ឧបត្ថម្ភ​ពី​សុប្បរស​ជន​និង​ការ​ឡើង​ប្រ​កួត​បាន​ល្អ​ឈាន​ទៅ​​ធ្វើ​ផ្ទះ​សម្បែង​រស់​នោ​សមរម្យ​ហើយ​ការ​ឡើង​ប្រ​កួត​មាន​ប្រាក់​ចំណូល​កាន់​តែ​ល្អ​ជា​មធ្យម​ក្នុង​មួយ​ខែ​បើ​ប្រ​កួត​អាច​រក​បាន​ប្រាក់​ចំនួន​ពី​៨០០​ទៅ​១​០០០​ដុល្លរ​។​ជា​មួយ​នឹង​ប្រាក់​រង្វាន់​នេះ​ខ្លឹម​ខ្មៅ​និយាយ​ថា​ខ្ញុំ​យក​ទៅ​បង្ហើយ​សំយ៉ាប​ផ្ទះ​នៅ​ស្រុក​កំណើត​ឯ​ខេត្ត​កំពុង​ឆ្នាំ​ខណៈ​ផ្ទះ​បាន​សង់​រួច​អស់​ជាង​៣​ម៉ឺន​ដុល្លារ​ឯ​នោះ​។ តាម​ប្រវត្តិ​ជីវិត​របស់​មុត​ខ្លឹម​ខ្មៅ​ដែល​ផ្សង​ព្រេង​មក​ពី​ខេត្ត​បាត់​ដំបង​ឆ្លង​កាត់​មុខ​របរ​ជា​កម្មករ​សំណង់​ផង​ជា​អ្នក​ប្រដាល់​ផង​នោះ​ខ្លឹម​ខ្មៅ​ធ្លាប់​ជា​ក្មេង​ទំនើង​ដែល​ក្លិប​ប្រដាល់​លំបាក​គ្រប់​គ្រង​ផ្នែក​វិន័យ​។​ប៉ុន្តែ​ទោះ​ជា​យ៉ាង​ណា​មុត​ខ្លឹម​ខ្មៅ​បាន​សាង​ឈ្មោះ​ល្បី​ល្បាញ​ខ្លាំង​នៅ​សង្វៀន​បាយ័ន​ក្នុង​អំឡុង​ឆ្នាំ​២០១២​ដល់​ឆ្នាំ​២០១៥​ដោយ​ឈ្នះ​បាន​ខ្សែ​ក្រវាត់​និង​ពាន​រង្វាន់​ជា​ច្រើន​ផង​ដែរ​។​ ​បន្ទាប់​មុត​ខ្លឹម​ខ្មៅ​បាន​ចាក​ចេញ​ពី​ក្លិប​របស់​លោក​គ្រូ​​ចាន់​សុផល​បន្ត​មក​ក្លិប​ក្រូ​ធី​ណារិទ្ធ​ចុង​ក្រោយ​ប្តូ​មក​នៅ​ក្លិប​មកុដ​រាជ​សីហ៍​នៃ​សមាគម​ប្រដាល់​ក្រសួង​មហា​ផ្ទៃ​​ជា​មួយ​លោក​គ្រូ​គង់​ចាន់​ធីណា​កាល​ពិ​ឆ្នាំ​២០១៧​មក​ដល់​បច្ចុប្បន្ន​។​ មុត​ខ្លឹម​ខ្មៅ​និយាយ​ក្រោយ​ពេល​ប្រ​កួត​ថា​៖​​ ខ្ញុំ​មក​ប្រកួត​នៅ​សង្វៀន​ម៉ាស​ហ្វៃ​នៅ​ថោន​នេះ​ចំនួន​៣​លើក​ទើប​តែ​ឈ្នះ​ពាន​រង្វាន់​លើក​នេះ​ម្តង​។​ ការ​ប្រកួត​ជា​មួយ​ឆៃ​សារ៉ា​សរុប​ទៅ​ចំនួន​៦​លើក​ហើយ​ពេល​នេះ​ក៍​ឈ្នះ​ក្នុង​លក្ខណៈ​តឹង​តែង​ណាស់​ដែរ​គឺ​ខ្ញុំ​ប្រឹង​អស់​សមត្ថភាព​បាន​ត្រឹម​ឈ្នះ​ពិន្ទុ​៣​ទល់​២​ប៉ុណ្ណោះ​។ ​សម្រាប់​បន្ត​មក​ប៉ះ​ប្រ​កួត​ជា​មួយ​កីឡាករ​រិទ្ធ​ប៊ុន​ម៉ៅ​ខ្ញុំ​ស៊ី​ផុយ​ដោយ​ទាត់​ឲ្យ​ខូច​ជើង​ក្នុង​ទឹក​ទី​១​ដើម្បី​យក​ប្រាក់​រង្វាន​ប្រចាំ​សប្តាហ៍​តែ​ម្តង​។​មុត​ខ្លឹម​ខ្មៅ​និយាយ​បន្ត​ថា​ខ្ញុំ​បាន​ប្រាក់​នេះ​ទៅ​ធ្វើ​សំយ៉ាប​ផ្ទះ​បង្ហើយ​និង​ដោះ​ស្រាយ​ជីវភាព​បាន​ល្អ​ ពី​ព្រោះ​ផ្ទះ​ខ្ញុំ​នៅ​​ស្រុក​ធ្វើ​អស់​បា្រក់​មួយ​ចំនួន​បាន​ពី​សុប្បរស​ជន​និង​មួយ​ចំនួន​ទៀត​ពី​ការ​ឡើង​ប្រ​កួត​ប្រដាល់​នេះ​។​ដំណើរ​ជីវិត​ជា​អ្នក​ប្រ​ដាល់​មក​ដល់​បច្ចុប្បន្ន​ខ្ញុំ​មាន​ជីវភាព​សម​រម្យ​ហើយ​មាន​ផ្ទះ​ឲ្យ​កូន​ប្រពន្ធ​នៅ​មាន​ប្រាក់​ចំណូល​បាន​មក​ពី​ប្រ​ដាល់​អាច​ទប់​ទល់​ជីវភាព​បាន​ល្អ​ដូច​បង​ប្អូន​ជិត​ខាង​មិន​មែន​លំបាក​វេទនា​ដូច​មុន​ទៀត​ឡើយ​។«​ខ្ញុំ​សូម​អរគុណ​ដល់​ប្រធាន​ក្លិប​ខ្ញុំ​គឺ​លោក​គង់​ចាន់​ធី​ណា​ដែល​បាន​អប់​រំ​បង្វឹក​ខ្ញុំ​ឲ្យ​បាន​ហ្វឹក​ហាត់​ចាប់​គូ​ប្រ​កួត​ដើម្បិ​មាន​ប្រាក់​ចំណូល​ជា​ប្រ​ចាំ​ហើយ​កម្ម​វិធី​ប្រ​កួត​នៅ​ថោន​នេះ​គឺ​ខ្ញុំ​ចូល​ចិត្ត​និង​ចង់​ប្រ​កួត​ណាស់​។​ ចំណែក​កីឡាករ​ឆៃ​សារ៉ា​ដែល​បាន​ចាញ់​​មុត​ខ្លឹម​ខ្មៅ​តាំង​តែ​ពី​វគ្គ​ជម្រុះ​នោះ​និយាយ​ថា​ខ្ញុំ​ចាញ់​នៅ​តែ​មិន​អស់​ចិត្ត​ពី​ព្រោះ​ការ​​វាយ​ចេញ​ជង្គង់​និង​ស្នៀត​ទាត់​បាន​ល្អ​ដូច​គ្នា​។​យ៉ាង​ណា​ក៍​ខ្ញុំនៅ​ចង់​ប្រ​កួត​ជា​មួយ​គាត់​ទៀត​បើ​គេ​ដាក់​ឲ្យ​ប្រ​កួត​សង​សិក​។​តាម​ប្រ​វត្តិ​ប្រ​កួត​ខ្ញុំ​ធ្លាប់​ជួប​ប្រ​កួត​ជា​មួយ​គាត់​៦​លើក​ខ្ញុំ​បាន​ឈ្នះ​តែ​២​លើក​និង​ចាញ់​៤​លើក​។​ឆៃ​សារ៉ា​បន្ត​ថា​ប្រ​សិន​បើ​ការ​ចាប់​ឆ្នោត​វគ្គ​ដំបូង​ខ្ញុំ​មិន​ប៉ះ​ប្រ​កួត​ជា​មួយ​ខ្លឹម​ខ្មៅ​ទេ​នោះ​ខ្ញុំ​អាច​ឈ្នះ​ដៃ​គូ​ផ្សេង​បាន​ឡើង​ទៅ​វគ្គ​ផ្តាច់​ព្រ័ត្រ​មិន​ខាន​។​ ចំណែក​រិទ្ធ​ប៊ុន​ម៉ោ​ដែល​ឈ្នះ​កែវ​សំរិទ្ធ​ហើយ​មក​សន្លប់​ក្រោម​ស្នៀត​ទាត់​របស់​មុត​ខ្លឹម​ខ្មៅ​និយាយ​ថា​​ខ្ញុំ​ចា្់​គាត់​អស់​ចិត្ត​ពី​ព្រោះ​គាត់​ជើង​ចាស់​មាន​បទ​ពិសោធន៍​ល្អ​ទាត់​ធ្ងន់​នាំ​ឲ្យ​ខ្ញុំ​មិន​អាច​គេច​ផុត​ពី​សន្លប់​បាន​ទេ៕​

ជំនួបសងសឹកដណ្តើមប្រាក់លាន MasFight ឆៃសារ៉ា និងមុតខ្លឹមខ្មៅ

អ្នក​ប្រដាល់​ជើង​ចាស់​ មុត​ ខ្លឹម​ខ្មៅ​ មក​ពី​ក្លិប​ប្រដាល់​មកុដរាជ​សីហ៍​ត្រៀម​ខ្លួន​ប៉ះ​ប្រ​កួត​ជា​មួយ​អ្នក​ប្រដាល់​ចំនួន​ ៣​នាក់​ទៀត​មាន​កីឡាករ ​កែវ​ សំរិទ្ធ​, រីទ្ធ​ប៊ុន​ ម៉ៅ​ និង​ជើង​ចាស់​វស្សា​ ឆៃ​ សារ៉ា​ ក្នុង​ប្រ​ភេទ​ទម្ងន់​ ៦៧​គីឡូក្រាម​។​ ជា​មួយ​គ្នា​នេះ​សម្រាប់​ការ​ប្រ​កួត​ដែល​ទាញ​ការ​ចាប់​អារម្មណ៍​ខ្លាំង​បំផុត​គឺ​វត្តមាន​កីឡាករ​ជើង​ចាស់​ពីរ​រូប ​មុត ​ខ្លឹម​ខ្មៅ​ និង​ឆៃ​សារ៉ា​ មក​ពី​ក្លិប​នាគ​រាជចតុមុខ ​ដែល​ធ្លាប់​ប្រកួត​គ្នា​ចំនួន​ ៥​លើក​កន្លង​មក​ហើយ​សប្តាហ៍​នេះ​អាច​នឹង​ប៉ះ​គ្នា​ក្នុង​កម្ម​វិធី​ដណ្តើម​ប្រាក់​លាន​វគ្គ​ផ្តាច់​ព្រ័ត្រ​ប្រសិន​បើ​វគ្គ​ជម្រុះ​ឈ្នះ​ដៃ​គូរៀងៗ​ខ្លួន​នោះ​។​ តាម​ប្រ​វត្តិ​ប្រ​កួត​របស់​ មុត​ខ្លឹម​ខ្មៅ​ និង​ឆៃ​សារា​សុទ្ធ​តែ​ធ្លាប់​ឆ្លង​កាត់​ការ​ប្រ​កួត​លក្ខណៈ​អន្តរជាតិ​ជា​ច្រើន​​...

កីឡាកងទ័ពទទួលបានសម្ភារៈកីឡាតម្លៃ២៥ម៉ឺនដុល្លារពីក្រុមហ៊ុន ORIENT NOBLE ដើម្បីផលិតកីឡាករឆ្នើមៗដណ្តើមមេដាយជូនជាតិ

ក្រុមហ៊ុន ORIENT NOBLE Group បានផ្តល់សម្ភារៈកីឡាដែលមានតម្លៃ ២៥០០០០ដុល្លារ ដល់ក្រុមប្រឹក្សាកីឡាកងយោធពលខេមរភូមិន្ទកាលពីប្រឹកថ្ងៃទី១៦ខែកុម្ភៈឆ្នាំ២០២១។ ជាមួយគ្នានេះតំណាងក្រុមហ៊ុនបានអះងាងថាសម្ភារៈសម្រាប់ហ្វឹកហាត់កីឡាជាច្រើនមុខពីក្រុមហ៊ុន ORIENT NOBLE Group នេះដើម្បីចូលរួមចំណែកលើកស្ទួយវិស័យកីឡាស្របបេលដែលមណ្ឌលកីឡាកងយោធពលខេមរភូមិន្ទនៃក្រុមប្រឹក្សាកីឡាកងយោធពលខេមរភូមិន្ទផលិតកីឡាករឆ្នើមបានល្អជាច្រើនប្រភេទដណ្តើមមេដាយជូនជាតិ។ លោកនាយឧត្តមសេនីយ៍ ឃឹម ប៊ុនសុង រដ្ឋលេខាធិការក្រសួងការពារជាតិ និងជាប្រធានក្រុមប្រឹក្សាកីឡាកងយោធពលខេមរភូមិន្ទបានអញ្ជើញចូលរួមក្នុងពិធីប្រគល់ និង ទទួលនោះដែលមានវត្តមានលោកតែម ម៉ឺនអនុប្រធានក្រុមប្រឹក្សាកីឡាកងយោធពលខេមរភូមិន្ទនិងជាប្រធានមជ្ឈមណ្ឌលកីឡាកងយោធពលខេមរភូមិន្ទនិងមន្ត្រីក្រោមចំណុះផងដែរ។ លោកតែមម៉ឺនដែលមានតួនាទីច្រើនក្នុងកីឡាបានថ្លែងថា៖មជ្ឈមណ្ឌលកីឡាកងយោធពលខេមរភូមិន្ទដែលជាស្ថាប័នគ្រប់គ្រងដឹកនាំនិងផលិតធនធានអត្តពលិកឆ្នើមចំណុះឲ្យក្រសួងការពារជាតិប៉ុន្តែគឺជាសេនាធិការមួយយ៉ាងជិតស្និទ្ធជាមួយ ក្រសួងអប់រំយុវជន និងកីឡា និងដៃគូជាមួយគណៈកម្មាធិការជាតិអូឡាំពិកកម្ពុជា ក៍ដូចគណៈកម្មាធិការរៀបចំការប្រកួតអាស៊ីអាគ្នេយ៍Cam sosoc...

ជិះកង់ ១៤ខែកុម្ភៈនៅក្រុងព្រះសីហនុបង្ហាញពីទេសចរណ៍ងើបឡើងវិញ

លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជាថ្លែងនៅព្រឹកថ្ងៃទី១៤ ខែកុម្ភៈឆ្នាំ២០២១ក្នុងព្រឹត្តិការណ៍កីឡាទេសចរណ៍ក្នុងកម្មវិធីកីឡាជិះកង់ដើម្បីក្តីស្រឡាញ់ថា៖ការជួបជុំនិងចូលរួមក្នុងសកម្មភាពកីឡានិងទេសចរណ៍ថ្ងៃនេះបង្ហាញឲ្យឃើញនូវទេសចរណ៍ងើបឡើងវិញបន្ទាប់ពីកូវីដ១៩ត្រូវបានរាជរដ្ឋាភិបាលកម្ពុជាគ្រប់គ្រងបានល្អប្រសើរជាងប្រទេសដទៃ។ ជាមួយគ្នានេះអ្នករៀបចំព្រឹត្តិការណ៍ផ្ទាល់គឺលោកវ៉ាត់ចំរើនឲ្យដឹងថាជាគោលការណ៍សកលសកម្មភាពកីឡានិងទេសចរណ៍មិនអាចកាត់ផ្តាច់ចេញពីគ្នាបានទេពោលគឺផ្តល់ឲ្យគ្នាទៅវិញទៅមកខណៈដែលទ្រឹស្តីរបស់លោកវ៉ាត់ចំរើនអគ្គលេខាធិការNOCCបានអះអាងថា៖សកម្មភាពរបស់កីឡាជាផលិតផលរបស់ទេសចរណ៍។ ព្រឹត្តិការណ៍កីឡាទេសចរណ៍នេះ រៀបចំឡើងក្រោមវត្តមានលោកបណ្ឌិតថោងខុនរដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC) ។លោក គួចចំរើនអភិបាលនៃគណៈអភិបាលខេត្តព្រះសីហនុ។លោកវ៉ាត់ចំរើនអ្នកគ្រប់គ្រងព្រឹត្តិការណ៍កីឡាផ្ទាល់ជាមួយសហព័ន្ធប្រណាំងកង់ប្រមទាំងរដ្ឋបាលសាលាខេត្តព្រះសីហនុ។ លោករដ្ឋមន្ដ្រីថោងខុនបានចាត់ទុកថានេះគឺជាការចាប់ផ្ដើមឡើងវិញនៃការរៀបចំព្រឹត្តិការណ៍កីឡាទេសចរណ៍ នៅក្រុងព្រះសីហនុដែលជាទីក្រុងដែលទើបកែឆ្នៃបានល្អផ្លូវល្អ ក្រោយការដាក់ទុនវិនិយោគយ៉ាងច្រើនដើម្បីផ្សព្វផ្សាយ បង្កើនភាពទាក់ ទាញភ្ញៀវទេសចរណ៍ឲ្យកាន់តែច្រើនមកកាន់តំបន់ឆ្នេរកម្ពុជា។លោកថោងខុនបានមានប្រសាសន៍ថា «ខ្ញុំជឿជាក់ថាព្រឹត្តិការណ៍ថ្ងៃនេះទោះបីនៅតូច តែវាពិតជាបានបង្ហាញនូវការចាប់ផ្តើមសាកល្បងជាបណ្តើរៗ នូវការរៀបចំព្រឹត្តិការណ៍កីឡាទេសចរណ៍តូចៗ ជាដមណាក់កាលឈានទៅធុំៗបាន។លោកបន្តថាទោះជាយ៉ាងណាយើងនៅតែ គោរពអនុវត្តន៍តាមគោលការណ៍ណែនាំរបស់ក្រសួងសុខាភិបាល ហើយដែលអាចជាការចាប់ផ្តើមនូវការបង្ហាញ និងជួយផ្សព្វផ្សាយពីគោលដៅទេសចរណ៍មួយដែលប្រកបដោយសុវត្ថិភាព និងការអភិវឌ្ឍន៍ដ៏ល្អជូនភ្ញៀវទេសចរជាតិ និងអន្តរជាតិធាអាចនិយាយថាទេសចរណ៍ងើបឡើងវិញ ។លោកបានកោតសរសើរចំពោះការអភិវឌ្ឍន៍ដ៏ឆាប់រហ័សរបស់ទីក្រុងព្រះសីហនុរបស់យើង...

ក្រុមខេត្តកែប កាត់តែតានតឹងជាងមុនក្នុងពានរង្វាន់សម្ដេចតេជោថ្នាក់ខេត្ត

ការរៀបចំយ៉ាងល្អ ជាពិសេសពីក្លិបកោះកុងអេហ្វស៊ី និងខេត្តព្រះសីហនុ ធ្វើឲ្យប្រធានក្រុមកែប ទេព សើហ្វីអ៊ី គិតថា ការប្រកួតពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត រដូវកាល២០២១នេះជាពិសេសវគ្គចែកពូលតែម្ដង កាន់តែតានតឹងខ្លាំងជាងមុន។ ម្ចាស់ស្បែកជើងមាសពានសម្ដេចតេជោ ហ៊ុន សែន ថ្នាក់ខេត្ត២០២០បង្ហាញការយល់ឃើញបែបនេះ “៖ក្រុមក្នុងពូលរបស់ខ្ញុំវិញមានឧបសគ្គខ្លាំង ព្រោះកោះកុងមានក្លិបកោះកុងតំណាងស្រាប់ ហើយព្រះសីហនុក៏បានប្រមាញ់កីឡាករល្អៗ អ៊ីចឹងវាជាឧបសគ្គក្នុងការប្រកួតនៅថ្ងៃខាងមុខ។” ដោយសារតែមើលឃើញពីការប្រកួតប្រជែងខ្ពស់បែបនេះហើយ ខ្សែប្រយុទ្ធខាងលើមានក្ដីរំពឹងត្រឹម៥០ទៅ៦០ភាគរយប៉ុណ្ណោះក្នុងការការពារស្បែកជើងមាសថ្នាក់ខេត្ត។ យ៉ាងណា គេ និងសមាជិកឯទៀតនឹងប្រឹងប្រែងអស់ពីលទ្ធភាព។ ពាក់ព័ន្ធទៅនឹងការរៀបចំក្រុម...

សមាគមសណ្ឋាគារកម្ពុជាស្នើសុំកិច្ចសហការពីក្រសួងសុខាភិបាល

  សមាគមសណ្ឋាគារកម្ពុជា អាចជាដៃគូដ៏ល្អរបស់ក្រសួងសុខាភិបាលពិសេសក្នុងបរិបទកូវីដ១៩នេះ។ ឯកឧត្តម យូ ពិសី អនុរដ្ឋ​លេខាធិការ​ក្រសួងសុខាភិបាល សមាជិកក្រុមប្រឹក្សាភិបាលសមាគមសណ្ឋាគារកម្ពុជាថ្នាក់ជាតិ និងតំបន់ មកពី...និងសមាជិកមួយចំនួន បានចូល​សម្តែង​ការគួរសម​ធ្វើ​បទ​បង្ហាញ​ពីស្ថាន​ភាពអា​ជីវកម្ម​ក្នុង​វិស័យ​ទេសចរណ៍​ពិសេសផ្នែក​សណ្ឋាគារ ដែលរងផលប៉ះពាល់ខ្លាំងជាគេ។ សមាជិករបស់សមាគមសណ្ឋាគារកម្ពុជា មួយចំនួនបានបិទទ្វារសណ្ឋាគារបណ្តោះអាសន្ន និងមួយ​ចំនួនទៀតបានបិទទ្វារជារៀងរហូត ដោយសារមិនមានភ្ញៀវទេសចរ ពិសេសក្រៅស្រុក និងខ្វះសាច់ប្រាក់ដើម្បីបង្វិល ព្រោះ​ស្ថានភាពវឹកវរនេះអូសបន្លាយពេលយូរជាងការរំពឹងទុកពីដំបូង។ ក្រសួងសុខាភិបាល បាន​សម្តែងការពេញចិត្ត និងចាប់យក​សមាគមសណ្ឋាគារកម្ពុជា ជាដៃគូ ព្រោះថាកាលពីកន្លង ក្រសួងពិបាកខ្លាំងណាស់ ដើម្បី​ស្វែងរកសណ្ឋាគារដែលស្ម័គ្រចិត្តធ្វើជាទីតាំងផ្តល់បន្ទប់ស្នាក់នៅដល់ភ្ញៀវធ្វើចត្តាឡីស័ក ១៤ថ្ងៃ​។...

ព្រឹត្ដិការណ៍«ប្រណាំងកង់ និងជិះកង់កម្សាន្តនៃក្ដីស្រលាញ់ ១៤ កុម្ភៈ»នឹងធ្វើនៅព្រះសីហនុ

មានស្ថាប័នធំចំនួន៣គណៈកម្មាធិការជាតិអូឡាំពិកកម្ពុជា,ក្រសួងទេសចរណ៍,រដ្ឋបាលសាលាខេត្តព្រះសីហនុព្រមទាំងសហព័ន្ធកីឡាទោចក្រយានបានបង្កើតព្រឹត្តិការណ៍កីឡាលក្ខណៈទេសចរណ៍មួយនាថ្ងៃអាទិត្យទី១៤កុម្ភៈឆ្នាំ២០២១ខាងមុខនេះ។ព្រឹត្តិការណ៍កីឡាបែបទេសចរណ៍កំសាន្តនេះគឺមានបំណងឬជាមធ្យោបាយមួយ ក្នុងការផ្លាស់ប្ដូរទស្សនៈយុវវ័យនៅក្នុងថ្ងៃពិធីបុណ្យនៃសេចក្តីស្រឡាញ់ដែលពួកគេធ្លាប់ជ្រួលជ្រើមខុសពីខ្លឹមសារដើមនាំឲ្យប៉ះពាល់ដល់ទំនៀមទម្លាប់ប្រពៃណីជាតិខ្មែរ។ យោងតាមសេចក្ដីជូនដំណឹងរបស់គណៈកម្មាធិការជាតិអូឡាំពិកកម្ពុជាគឺនៅថ្ងៃទី១៤កុម្ភៈខាងមុខនេះដែលគេចាត់ទុកថាជាថ្ងៃ បុណ្យនៃសេចក្ដីស្រឡាញ់នោះស្ថាប័នខាងលើនេះនឹងរៀបចំព្រឹត្តិការណ៍កីឡាជិះកង់នៅតំបន់ឆ្នេរសមុទ្រនៃខេត្តព្រះសីហនុដើម្បីបង្ហាញពីសក្ដានុពលនិងសម្រស់ធម្មជាតិនៃឆ្នេរសមុទ្រខ្មែរជំនួសព្រឹត្តិការណ័ដែលយល់ខុសរឿងបុណ្យក្តីស្រឡាញ់ដែលមានប្រភពមកពីក្រៅប្រទេស។កម្មវិធីនេះជាលើកទី១ផ្តល់ជូនទាំងអ្នកជិះកង់អាជីពទាំងមិនអាជីពអាចចូលរួមជិះបានដោយសេរីក្នុងលក្ខណៈកីឡាទេសចរណ៍និងកំសាន្តជាមួយធម្មជាតិ។ លោកនូចំរើនអគ្គលេខាសហព័ន្ធបានប្រាប់ថា៖ចំពោះវិញ្ញាសាប្រកួតមានចំនួន៣ដែលដាក់ឲ្យជិះនោះមានវិញ្ញាសាទី១អ្នកជិះកង់អាជីពគឺអាចចូលរួមប្រណាំងកង់ភ្នំចម្ងាយ៤០គីឡូម៉ែត្រដែលការប្រណាំងនោះចាប់ផ្ដើមចេញដំណើរពីឆ្នេរអូឈើទាលឆ្ពោះទៅឆ្នេររាមបន្តាប់មកត្រឡប់មកឆ្នេរអូឈើទាលវិញ។ទី២ប្រភេទFun Rideជិះកង់កំសាន្ដឆ្នេរសមុទ្រថ្មីចម្ងាយ២៥គីឡូម៉ែត្រដោយចេញដំណើរពីឆ្នេរអូឈើទាលឆ្ពោះទៅឆ្នេរអូរត្រេះហើយត្រឡប់មកឆ្នេរអូរឈើទាលវិញ ។ទី៣Famly CoupleRide គឺការជិះកង់ជាក្រុមគ្រួសារនិងគូស្នេហ៍ចម្ងាយ១៥គីឡូម៉ែត្រតាមផ្លូវក្នុងទីក្រុងថ្មីនិងឆ្នេរសមុទ្រមិនគិតពីថេរៈវេលា។លោកនូចំរើនបន្ថែមថា៖គិតមកដល់ពេលនេះមានអ្នកចុះឈ្មោះរួចហើយចំនួនជិត១០០នាក់ដែលមានស្ថាប័នទាំង៤ខាងលើទទួលចុះឈ្មោះហើយតាមការព្យាករអាចមានអ្នកចូលរួមខ្ទង់២០០នាក់នៅពេលបិទការចុះឈ្មោះត្រឹមថ្ងៃទី១២ខែកុម្ភៈឆ្នាំ២០២១ខាងមុខនេះ។ វ៉ាត់ចំរើនរដ្ឋលេខាធិការក្រសួងទេសចរណ៍និងជាអគ្គលេខាធិការគណៈកម្មាធិការជាតិអូឡាំពិកកម្ពុជាមានប្រសាសន៍ថា៖ នេះជាព្រឹត្តិការណ៍ថ្មីមួយបន្ថែមទៀតដែលមានស្ថាប័នក្រសួងទេសចរណ៍,NOCCសហព័ន្ធទោចក្រយាននិងរដ្ឋបាលព្រះសីហនុបានឯកភាពគ្នាបង្កើតឡើងក្នុងកោលបំណងកីឡានិងទ្េសចរណ៍ព្រមទាំងយកថ្ងៃ១៤កុម្ៈជាថ្ងៃក្តីក្រឡាញ់ឲ្យយុវជនបានក្រឡេកមកចាប់អារម្មណ៍កីឡានិងកំសាន្ត។កន្លងមកមានយុវវ័យមួយចំនួនបានយល់ច្រឡំថាថ្ងៃបុណ្យនៃសេចក្ដីស្រឡាញ់គឺជាពេលដែលត្រូវលះបង់នូវព្រហ្មចារីយ៍ដល់គូស្នេហ៍របស់ខ្លួនដែលផ្ទុយពីការពិកនិងប៉ះបាល់ប្រពៃណីចាតិខ្មេរ។ពេលនេះក្រសួងទេសចរណ៍និង គណៈកម្មាធិការជាតិអូឡាំពិកកម្ពុជាបង្កើតប្រឹងប្រែងធ្វើសកម្មភាពកីឡាថ្មីៗមួយដើម្បីផ្លាស់ប្ដូរផ្នត់គំនិតឥរិយាបទដែលពួកគេយល់ច្រឡំកន្លងមក។លោកវ៉ាត់ចំរើនបន្ថែមថា៖ព្រឹត្តិការណ៍នេះគណៈកម្មការរៀបចំគ្រោងរៀបចំកន្លែងបោះតង់តាមឆ្នេរសមុទ្រសម្រាប់អ្នកចូលរួមទាំងអស់ដោយសុវត្ថិភាពដោយផ្តោតទៅលើសណ្តាប់ធ្នាប់បរិស្ថានអនាម័យល្អស្របតាមការនែនាំរបស់ក្រសួងសុខាភិបាលឲ្យបានល្អ៕