តើ​អាច​ទេ ឡៅ ចិត្រា ចាញ់ជើង​ខ្លាំង​ថៃ Superlek ត្រឹម​ពិន្ទុ​ប៉ុណ្ណោះព្រោះ​តែ​របួស​មុន​ប្រកួត

1112

ឡៅ ចិត្រា​ បានប្រកួត​ចាញ់​អ្នក​ប្រដាល់​កម្រិត​ខ្ពស់​របស់​ថៃ Superlek មុន​នេះ​ដោយ​ពិន្ទុ​ក្នុង​កម្មវិធី​ ONE Championship ដែល​រៀប​ចំ​ឡើង​ក្នុង​ទឹក​ដី​ថៃ​មុន​នេះ​។ ​

ចាប់​ផ្តើមទឹក​ទី​១ អ្នក​ប្រដាល់​ថៃ​បាន​វាយ​សម្រុក​យ៉ាង​ខ្លាំង​មក​លើ ចិត្រា​ ដោយ​ការ​ទាត់​ផ្ទួន​ៗ​ ដែល​​ធ្វើ​ឲ្យ​​អ្នក​ប្រដាល់​កម្ពុជា​រូប​​នេះ​ស្ទើរ​តែ​មិន​អាច​តដៃ​បាន​។ ចូល​ដល់​​ទឹក​ទី​២ អ្នក​ប្រដាល់​កម្ពុជា​នៅ​តែ​មិន​អាច​រក​ឱកាស​ ដើម្បី​វាយ​​បក​វិញ​បាន ​បន្ទាប់​ពី​ដៃ​គូ​របស់​​គេ​នៅ​តែ​ទាត់​ផ្ទួន​ៗ​ មក​លើខ្លួន។

ដល់​ទឹក​ទី​៣ Superlek ​ហាក់​មិន​សម្រុក​ខ្លាំង ខណៈ ឡៅ​ ចិត្រា បាន​ព្យាយាម​ចូល​វាយជា​បន្ត​បន្ទាប់​ ប៉ុន្តែ​ឱកាស​អស់​ទៅ​ហើយ។ ​

អ្នក​ប្រដាល់​របស់​កម្ពុជា ឡៅ ចិត្រា និង នៅ ស្រី​ពៅ ​​​ប្រកួត​តំណាង​ឲ្យ​ក្លឹប Cambodian Top Team របស់​កម្ពុជា ដែល​មាន​លោក ហ៊ុន​ ច័ន្ទ​រាជ្យ ជា​គ្រូ​បង្វឹក​ និង​ជា​ថ្នាក់​ដឹក​នាំ ។

គួរ​បញ្ជាក់ថា កាល​ពីមុន​ឡើង​សង្វៀន​ប្រកួត​នៅ​បាំងកក​ជាមួយ​ជើង​ខ្លាំង​ថៃ​ជាង​១០ថ្ងៃ ចិត្រា​ បាន​ជួប​​គ្រោះ​ថ្នាក់​ចរាចរណ៍​ ប៉ុន្ដែ​អ្នក​លេង​គុនខ្មែរ​វ័យ​ក្មេង​រូប​នេះ បាន​ចេញ​មក​អះអាង​ថា មិន​ប៉ះពាល់​ដល់​ការ​ប្រកួត​នោះទេ។ ជាលទ្ធផល​ ចិត្រា​ បាន​ចាញ់​ជើង​ខ្លាំង​ថៃ​ដោយ​ពន្ទុទាល់​តែបាន​៕

Full Fight: Lao Chetra vs. Superlek Kiatmoo9 | ONE Championship: CLASH OF LEGENDS | Bangkok on 16 February

ឡៅ ចិត្រា vs. Superlek Kiatmoo9 | ONE Championship: CLASH OF LEGENDS | ទីក្រុងបាងកក | ថ្ងៃទី ១៦ កុម្ភៈ ២០១៩Full Fight: Lao Chetra vs. Superlek Kiatmoo9 | ONE Championship: CLASH OF LEGENDS | Bangkok on 16 February

Gepostet von BKM Sports am Samstag, 16. Februar 2019

Loading...