អស្ចារ្យ ! កូនប្រុស​ម្ចាស់​ក្លិប​បឹងកេត​ត្រូវបាន​ក្លិប​យក្ស​Barcelona កោះហៅ​ទៅធ្វើ​តេស្ត​សមត្ថភាព

514

ភ្នំពេញ៖ កុមារា Kasidej Vasunan (ហៅ DOME) ដែលជា​យុវជន​សាលា​បាល់ទាត់​បឹងកេត និង​ត្រូវជា​កូនប្រុស​របស់​អ្នកស្រី​ប្រធាន​ក្លិប​បឹងកេត បានចេញ​ដំណើរ​ទៅកាន់​ប្រទេស​អេ​ស្ប៉ា​ញ​នៅ​ថ្ងៃត្រង់​ថ្ងៃ​សុក្រ​នេះ​តាម​ការកោះហៅ​របស់​សាលា​បាល់ទាត់​ក្លិប Barcelona ( FCBESCOLA ) ដើម្បី​សាកល្បង​សមត្ថភាព បន្ទាប់ពី​រូបគេ​ធ្លាប់បាន​ទៅ​ហ្វឹកហាត់​កន្លងមក​នៅ​ទីនោះ និង​ទទួលបាន​ការចាប់អារម្មណ៍​ពី​ក្រុម​គ្រូបង្ហាត់។

ទំព័រ​ហ្វេ​ស​ប៊ុ​ករ​បស់ Boeungket Academy បាន​សរសេរ​ឱ្យដឹងថា  ការសាកល្បង​នឹង​ប្រព្រឹត្តិ​ទៅ​នៅ​ថ្ងៃអាទិត្យ ទី៧ ខែមេសា​ខាងមុខ ហើយ​ប្រសិនបើ​ជាប់ នោះ កុមា​រ៉ា​DOME នឹងចូលរួម​ការហ្វឹកហាត់​ជាមួយ​សាលា​បាល់ទាត់​ក្លិប Barcelona ( FCBESCOLA ) ចាប់ពី​ខែមិថុនា​តទៅ ។

នេះ​គឺជា​លើក​ទី​បី របស់​កុមារា DOME ដែល​ធ្វើដំណើរ​ទៅកាន់​ប្រទេស​អេ​ស្ប៉ា​ញ បន្ទាប់ពី​ការ​ទៅ​ចូលរួម​ហ្វឹកហាត់២លើក​កន្លងមក កាលពី​ឆ្នាំ ២០១៨ ជាមួយនឹង​កុមារ​ជាច្រើន​នាក់​មកពី​ជុំវិញ​ពិភពលោក។ បើសិន​កុមា​រ៉ា​រូបនេះ​ធ្វើតេស្ត​ជាប់​នោះ វា​គឺជា​ប្រវត្តិសាស្ត្រ​បាល់ទាត់​ហើយ​សម្រាប់​កម្ពុជា​ដែលមាន​កុមារ​កម្ពុជា​អាចមាន​សមត្ថភាព​ហ្វឹក​ហ្វា​ត់​នៅ​ក្លិប​បាល់​ទាល់​យក្ស​នៅ​លី​គ​កំពូល​អេ​ស្ប៉ា​ញ​Barcelona៕

Loading...