កាន់តែ​អស្ចារ្យ ! ជំនួប​រវាង​អង្គ​រថា​យ​ហ្គឺ​រ​និង​បឹងកេត នឹងមាន​ការចូលរួម​ច្រៀង​ពី​តារាចម្រៀង​រ៉ា​ប៊ី

416

សៀមរាប៖ ក្លិប​អង្គ​រថា​យ​ហ្គឺ​រ និង ក្លិប​បឹងកេត នឹង​ប៉ះគ្នា​នៅវេលា​ម៉ោង៣រសៀល នា​ថ្ងៃអាទិត្យ ទី០៧ ខែមេសា​ខាងមុខនេះ​នៅលើ​ទីលាន​ក្នុង​ទឹកដី​ខេត្តសៀមរាប។ ក្លិប​អង្គ​រថា​យ​ហ្គឺ​រ ដែលជា​ម្ចាស់ផ្ទះ បាន​ប្រកូក​ប្រកាស​ប្រមូល​អ្នកគាំទ្រ​ឱ្យបាន៥ពាន់​នាក់មក​ចូល​ទស្សនា​នូវ​ការប្រកួត​ដ៏​ធំ​នេះ។

ក្រៅពី​ប្រកាស​ហៅ​អ្នកគាំទ្រ​នេះ ក្លិប​អង្គ​រថា​យ​ហ្គឺ​រ ក៏បាន​រៀបចំ​ព្រឹត្តិការណ៍​ប្រគុំ​តន្ត្រី​ដោយមាន​ការចូលរួម​ពី​តារាចម្រៀង​ល្បីឈ្មោះ គឺ​កញ្ញា​រ៉ា​ប៊ី ដើម្បី​ញាំ​ង​ឱ្យ​ការប្រកួត​នេះ​កាន់តែ​មាន​ភាព​ទាក់ទាញ​ថែមទៀត​ផងដែរ។ ក្លិប​អង្គ​រថា​យ​ហ្គឺ​រ បានប្រកាស​ឱ្យដឹង​តាមរយៈ​ទំព័រ​ហ្វេ​ស​ប៊ុ​ក​របស់ខ្លួន​ដូច្នេះ​ថា « ជួប​ជាមួយ​កញ្ញា​រ៉ា​ប៊ី ក្នុងជំនួប​ប្រកួត​ដ៏​អស្ចារ្យ​ជាមួយ​ក្លិប បឹងកេត នៅ​កីឡដ្ឋាន​ខេត្តសៀមរាប ថ្ងៃទី០៧ ខែមេសា ឆ្នាំ២០១៩ ។ នរណា​ខ្លះ​ជា​ហ្វេ​ន​របស់​កញ្ញា​រ៉ា​ប៊ី​ខ្លះ? ជួបគ្នាឆាប់ៗណា!!!»។

ក្លិប​អង្គ​រថា​យ​ហ្គឺ​រ និង​បឹងកេត​សុទ្ធតែ​បាន​ប្រកួត​ក្នុង​លី​គ​កំពូល​កម្ពុជា​បាន២ប្រកួតដូចៗគ្នា។ ប៉ុន្តែ ក្លិប​អង្គ​រថា​យ​ហ្គឺ​រ បាន​យកឈ្នះ​មួយ​ប្រកួត និង​ស្មើ​មួយ​ដោយ​ឈរ​នៅ​លេខ២ ខណៈ​បឹងកេត បាន​យកឈ្នះ​មួយ និង​ចាញ់​មួយ​ប្រកួត​ឈរ​នៅ​លេខ​រៀង​ទី៧ ៕

Loading...